Hoseas 11:9 - Manobo Western Bukidnon OT

⁹ Kenè ku en ibpaahà is utew ku kegkepauk; kenè ku en edweǥayen is Israel, su Megbevayà a ne kena a etew. Iyan a kes Waǥas he Megbevayà he mibpekiduma keniyu, ne kenà a edhendiyà te keniyu is egkepauk.

Hoseas 11:9 교차 참조

2 Samuel 20:10

Wazà mekevantey si Amasa he ziyà te ǥivang ni Joab is ispada. Ne midsundang ni Joab diyà te ǥetek ne nekeyakat diyà te tanà is bituka zin. Ne segugunà minatey sikandin, ne wazè en meumani mesundang ni Joab. Ne midlaus si Joab wey is suled din he si Abishai su edleyasen dan si Sheba.

Salmo 46:5

Kayi he inged ed-ubpà is Megbevayà, umbe kenà heini egkezeetan. Kenà edlanganlangan is Megbevayà para te kedtavang kayi he inged.

Salmo 78:38

Minsan pa te iyan heini, hihizuwen gihapun kandan is Megbevayà. Mibpesaylu zin sikandan te menge salè dan ne wazè din sikandan dèdeeti. Layun din ed-eǥena is pauk din kandan minsan utew en sikandin egkepauk.

Salmo 85:4

He Megbevayà he menluluwas dey, ilikù nu kayi te kenami is meupiya he kebpekesavuk dey. Iawè nu en is pauk nu kenami.

Isaias 12:6

Ugyab kew wey megkanta te kelipey, is menge etew te Jerusalem. Su mekeǥeǥehem is Waǥas he Megbevayà te Israel he iyan duma niw.”

Isaias 31:1

Mekehizuhizu kew is mibuyù te tavang diyà te Ehipto. Midsarig kew te meǥaan he menge kudè dan, mahabet he menge kerwahi zan, wey memezesen he menge pereuntud dan te kudà. Piru wazè kew midsarig te Nengazen, he Waǥas he Megbevayà te Israel, ne wazè kew mebuyù te tavang din.

Isaias 41:14

Minsan deisey ka wey meluya, kenè ka mahandek su iyan a mismu edtavang kenikew. Iyan a, is Nengazen, is migkaǥi kayi. Iyan a menluluwas nu, is waǥas he Megbevayà te Israel.

Isaias 41:16

Ed-ukapan nu haazà ne idlayap te keramag, ne ibpedsusuwey te eribpures. Piru sikew mulà igkelipey nu is Nengazen; edeliǥen nu is Waǥas he Megbevayà te Israel.

Isaias 48:9

Ne para meveǥayi a te zengeg, ed-eǥenen ku is pauk ku keniyu, su wey kew kenà mezeeti.

Isaias 5:24

Umbe, iring kew te neǥangu he reǥami wey sagbet he meǥaan dà edeketi te hapuy wey egkeigmuk; segugunè kew egkengezeeti. Egkeiring kew te pinemula he neredak is dalid din, ne is menge kevukad din, inlayap he henduen dà te eliyavuk, su geina te inselikwey niw is Kesuǥuan te Nengazen he Mekeǥeǥehem, kes Waǥas he Megbeveyà te Israel.

Jeremias 26:3

Su kela ke mebpemineg ded sikandan kenikew ne ed-engkezan dan is mezaat he vetasan dan. Su emun ebeelan dan heeyan, ne kenè ku edleusen is kezeetan he mibpelenuwan ku te ebaal ziyà te kandan tenged te mezaat he menge vaal zan.

Jeremias 30:11

Su zuma a keniyu ne edlibriyen ku sikiyu. Ebpurungan ku edezeeti is menge nasyun he zutun kew ipeyapat. Piru kenè ku mulà heini ed-ul-uluhan diyà te keniyu. Piru kenà heini ebpesavut he kenè ku sikiyu edsilutan. Ebmensuwen ku sikiyu te hustu he paaǥi.”

Hoseas 12:1

“Is menge tig-Israel midsarig te menge azen he wazè din pulus. Is edel-asen dan seled te tivuuk he andew ne iyan is menge azen he ebpekezezaat kandan. Mid-iseg is ketetarù dan wey kebpesipala. Mibpekid-uyun sikandan te menge tig-Asiria wey menge tig-Ehipto, umbe mid-uwit dan te lana ziyà te Ehipto he igasa zan.”

Hoseas 14:4

Migkaǥi is Nengazen te, “Ebewian ku is kegkemesinupaken te menge etew ku, ne ebmahalen ku sikandan te ebpuun te keugelingen he suat ku. Su naawè en is kegkepeuki ku kandan.

Malakias 3:6

Migkaǥi pa is Nengazen he Mekeǥeǥehem, “Siak, is Nengazen, kenà a egkahalin. Umbe wazè kew mepuew is menge kevuwazan ni Jacob.

Numero 23:19

Is Megbevayà kenà iring te etew he edtarùtarù; kenà egkahalin is isip din. Duen be nekaǥi zin he ebeelan din he wazè din beeli? Duen be saad din he wazè din tumana?

Deuteronomio 13:17

Kenè kew medtipig te minsan hengkey he vutang he zutun te inged su neteǥane en heeyan he edezeetan. Emun edtumanen niw heini is langun, id-awà te Nengazen is dekelà he pauk din, ne egkehizuwan kew zin. Ne tenged te hizu zin ibpemezakel kew zin sumalà is penangdù din diyà te menge kepuun niw.

1 Samuel 26:8

Migkeǥiyan ni Abishai si David te, “Imbeǥey en te Megbevayà kenikew is kuntada nu te heini he andew. Guntaan tuǥuti a kenikew he ebpilaken ku sikandin te vangkew. Ibpezeket ku sikandin dutun te tanà te senge pilak dà.”