Hoseas 11:8 - Manobo Western Bukidnon OT

⁸ “Sikiyu is menge tig-Israel, kenè ku egkehimu is kedselikwey wey kebey-ani keniyu. Kenè ku egkehimu is kebpurungi kedezeeti keniyu iring te mibeelan ku ziyà te inged he Adma wey Zeboyim. Utew ebmesakit is gehinawa ku emun ebeelan ku heini ziyà te keniyu. Nehizuwan ku sikiyu.

Hoseas 11:8 교차 참조

Genesis 14:8

Ne zutun is menge hadì te Sodom, Gomora, Adma, Zeboyim, wey is hadì te Bela, midtiǥum dan is menge sundaru zan diyà te Suǥud he Sidim

2 Samuel 24:16

Hein naandam en is belinsuǥuen he edezaat pezem te Jerusalem, ne nahalin is isip te Nengazen te kedsilut te menge etew. Ne zutun migkeǥiyan din haazà is belinsuǥuen he edsilut dutun te menge etew te, “Hustu en! Kenè nu en sikandan siluti.” Haazà he timpu diyà haazà is belinsuǥuen te Nengazen te gunasà ni Arauna he Jebusihanen.

1 Hadì 3:26

Ne tenged te hizu zuen te tutuu he iney zuen te anak din, migkeǥiyan din haazà is hadì te, “Pekelalaglalag ka, Mahal he Hadì, kenè nu himetayi heeyan is batà. Iveǥey nu en lang keniyan te vahi.” Piru migkaǥi mulà haazà is sevaha he vahi te, “Baase en heeyan is batà su para wazà sevaha kenami he ebpekaangken duen.”

2 Hadì 13:23

Piru ingkehizu wey ingkeipeng sikandan te Nengazen tenged te midhimu zin he kebpekid-uyun diyà te ki Abraham, ki Isaac, wey ki Jacob. Ne taman en guntaan ne wazè din sikandan dezeeti etawa ipaawà diyà te lugar zan he zutun kenà sikandin ebpekepekiduma kandan.

2 Cronica 36:15

Layun ebpekidlalag kandan is Nengazen, he Megbevayà te menge kepuun dan, pinaaǥi te menge ebpeneuven din, su egkehizuwan din sikandan wey egkenuǥunan din sikan is baley zin.

Salmo 106:45

Midtentenuzan te Megbevayà is kebpekid-uyun din kandan, ne tenged te utew zin kebmahala kandan, nahalin is isip din ne kenè din en sikandan edsilutan.

Isaias 16:11

Umbe, neiring is gehinawa ku te mekevulungbulung he zaǥing te alpa su ingkeseeng ku is nehitavù diyà te Moab. Ingkeseeng ku zaan is nehitavù te Kir Hareset.

Isaias 63:15

Nengazen, tengtengi key guntaan kenikew puun diyan te langit he segradu wey dungganen he ubpeey nu. Hendei en guntaan is ipeng nu kenami wey ǥehem nu he impeehè nu zengan kenami? Hendei en is kebmahala wey kegkehizuwi nu kenami?

Jeremias 18:8

ne is menge meǥinged dutun te nasyun etawa ginhedian ed-engked te kelelalung, kenè ku edleusen is pelanu ku te kedezaat kandan.

Jeremias 3:12

Ne ǥuntaan, genat ka, ne keǥiya nu heini he lalag diyà te Israel: Iyan a is Nengazen, migkaǥi a te: Likù ka kayi te kedì, sikew is kenà metinumanen he Israel, su hihizuwen a. Kenè ku en sikew egkepeukan.

Jeremias 31:20

Midtavak is Nengazen te, “Sikiyu is menge tig-Efraim he pelanggè ku he menge anak, ingkelipey ku sikiyu. Minsan migkaǥi a te ebpekesuǥat keniyu, pinelanggè ku ǥihapun sikiyu. Mibulung a keniyu wey nehizuwan ku sikiyu.

Jeremias 42:10

Emun kenè kew ed-awà kayi he tanà ed-enawen ku sikiyu wey edlig-enan, ne kenè ku sikiyu edezeetan. Su ingkeseeng ku is kezeetan he impeseǥazan ku keniyu.

Jeremias 9:6

Pudu kedlimbung is menge vaal zan, ne wazè dan en megkilala kediey.

Jeremias 9:7

Umbe siak, is Nengazen he Mekeǥeǥehem, edhimuwen ku he lunsey is menge etew ku iring te vulawan, ne egezaman ku sikandan. Su iyan heini ereg he ebeelan ku ziyà te kandan.

Penhulùhulù 1:20

“Nengazen, ahàa nu ke sengemenu kezekelà is kegkeseeng ku! Utew heini merasey he henduen be te egkevidtew en is gehinawa ku su geina te nehimu a he mesinupaken kenikew. Duen kebpemenhimatey ziyà te menge zalan ku, ne minsan diyà te seled te valey ne zuen ebpematey.

Penhulùhulù 3:32

Minsan ebeǥey sikandin te kelised, ibpeehè din gihapun is hizu zin tenged te kezekelà te kebmahal zin he wazà pidtemanan.

Penhulùhulù 3:33

Su kenè din igkelipey is kebpaantus wey kedrasey kenitew.

Ezekiel 33:11

Ne ǥuntaan keǥiyi nu sikandan he siak, is Nengazen he MEGBEVAYÀ he uuyag, migkaǥi a he kenà a egkelipey emun duen ebpatey he lalung he etew. Iyan suat ku he engkezi zan is mezaat he menge vaal zan su wey zan meuyag-uyag. Umbe sikiyu is menge etew te Israel, engkezi niw en is mezaat he menge vaal niw. Maan is egkesuat kew he ebpatey?

Ezekiel 6:9

su egkengevihag sikandan. Dutun egketenuzan e zan, ne egkeseǥipè dan he mibeǥayan e zan bes te seeng tenged te kedluivi zan kedì su iyan dan impelavi is duma he menge ed-ezapen. Edumutan dan is keugelingen dan tenged te mezaat wey utew mahawag he menge vaal zan.

Hoseas 6:4

Piru migkaǥi is Nengazen te, “Menge etew te Israel wey Juda, hengkey is ebeelan ku ziyà te keniyu? Is kebmahala niw kedì ne meǥaan dà egkaawà; iring dà heini te edsaǥad he virisbiris etawa zehemug emun meselem.

Hoseas 7:1

Egkesuatan ku te ebawì is menge tig-Israel. Piru is egkeehè ku ziyà te kandan iyan is kelelalung dan. Ebpenlimbung sikandan, edseled dan diyà te menge valey is ebpenakew, wey ebpenulis dan diyà te menge zalan.

Amos 4:11

“Midezeetan ku is duma keniyu iring te mibeelan ku ziyà te Sodom wey Gomora. Ne is duma keniyu he nekelingkawas neiring te kayu he midsekelew puun te hapuy. Piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Amos 7:3

Umbe, nahalin is isip te Nengazen ne ke sikandin te, “Is neehè nu ne kenè en egkehitavù.”

Amos 7:6

Umbe, nahalin is isip te Nengazen ne ke sikandin te, “Is neehè nu kenè en egkehitavù.”

Micas 5:3

Ibeǥey te Nengazen is menge etew te Israel ziyà te menge kuntada zan, piru taman dà te ked-anak te vahi he ebeliliten te maama he ebpengulu te Israel.

Deuteronomio 29:22

“Is huziyan he menge lapis te menge kevuwazan he menge kevuwazan niw wey menge lumelengyawà he ebpemuun diyà te meziyù he menge lugar, egkeehè dan is rimeǥas te vangkit wey menge zaru he ibpaaǥi te Nengazen diyà te tanè niw.

Deuteronomio 29:23

Is tivuuk he tanè niw egkeiring te disirtu he netembunan te esupri wey timus. Wazà ebpemula kayi he tanà su kenà edtuvuan te pinemula. Egkezeetan heini iring te kegkezeeti te Sodom wey Gomora, Adma wey Zeboyim he midezeetan te Nengazen tenged te utew zin kegkepauk.

Deuteronomio 32:36

Edhukum is Nengazen he edlavan te menge etew zin; egkehizuwan din sikandan is menge suluǥuen din, emun egkeehè din he wazè dan en desen wey zeisey zà is egkesamà kandan, uripen man etawa kenà uripen.

Zatù 10:16

Ne zutun mid-iniyuǥan dan is menge ed-ezapen dan ne iyan dan mid-azap is Nengazen. Ne hein neuǥet kenè en egkaantus te Nengazen is kegkaahaa zin kandan te egkengerasey ne nehizuwan din sikandan.