Hoseas 11:10 - Manobo Western Bukidnon OT

¹⁰ “Edsunud kew kediey zutun te edhiniǥer a iring te erimaung. Siguradu he edhiniǥer a, ne ed-agpas kew ed-ulì puun te edsenlepan.

Hoseas 11:10 교차 참조

Job 37:1

“Ebpekehuyab is kumeng ku tenged keniyan te vagyu.

Salmo 119:120

Egkerkeren a te kegkahandek kenikew; ingkahandek ku utew is kedhukum nu.

Salmo 2:11

Penilbiyi niw is Nengazen duma is kedtahud ne ikelipey niw sikandin.

Isaias 11:11

Dutun daan he timpu, ed-umanan egemita te Nengazen is gehem din te kebpeulì te nesamà he menge etew zin diyà te Asiria, Ehipto, Patros, Etiopia, Elam. Babilonia, Hamat, wey is diyà te menge pulu.

Isaias 2:5

Hendini kew is menge kevuwazan ni Jacob, ebpengungubpaan kiw he sungkad te ketutuanan he ibeǥey kenitew te Nengazen tew.

Isaias 31:4

Iyan heini migkaǥi te Nengazen kayi te kedì, “Wazà ebpekeeǥen te erimaung te kedawi te edewiyen din minsan ebpengulahì pa is menge ebantey zutun te edewiyen. Ne iring daan kediey, wazà ebpekeeǥen kedì te kedipinsahi ku te Buvungan he Zion.

Isaias 42:13

Ebpekidtebek is Nengazen he iring te sundaru he andam en he ebpekidtebek. Ebpengulahì sikandin he tuus te edsurung en, ne egkezaag din is menge kuntada zin.

Isaias 49:10

Kenà sikandan egkevitil wey egkemezahan. Kenà ebpekekaid kandan is keinit te andew wey meinit he keramag diyà te disirtu. Su siak is hihizuwen, egiyahan ku sikandan diyà te menge teheb.

Isaias 64:2

Iring te hapuy ebpeketutung te neǥangu he menge subpang wey ebpekepezìdì te wahig, is kebpekeuma nu ebpekehuyung te menge nasyun he menge kuntada nu, ne egkekilala zan ke hentei ka.

Isaias 66:2

Kenè be iyan a mibaal te langun he menge vutang? “Siak, is Nengazen egkaǥi te: Edseǥipaan ku is menge etew he kenà ebpelavew wey ed-engked he ebaal te salà wey igkahandek dan is lalag ku.

Isaias 66:5

Sikiyu is egkahandek he edsupak te lalag te Nengazen, pemineǥa niw is lalag din: “Tenged te kegkemepezumdumahan niw kediey, is duma he menge emurè niw te inged edumut wey edselikwey keniyu. Ed-un-undahan kew zan, ke sikandan te, ‘Mebpaahà is Nengazen te gehem din su wey zey maahà is kelipey niw!’ ” Piru egkepeel-elezan sikandan.

Jeremias 2:2

“Genat ka ne keǥiya nu heini ziyà te menge tig-Jerusalem: ‘Netenuzan ku is keheǥet te gehinawa niw kayi te kedì wey is kebpelenggaa niw kedì dengan he iring te kebpelenggaa te maama te betan-en he vahi he sikan din pa meesawa. Midsunud kew kedì minsan diyà te sibsivayan he wazà duen menge pinemula.

Jeremias 25:30

“Jeremias, keǥiya nu ziyà te kandan is langun he migkaǥi ku, ke sikew te: ‘Puun te langit iring te erimaung he edhiniǥer is Nengazen; edraǥeb is laǥeng din he ebpuun diyà te segradu he ubpeey zin. Ebpekezeǥingen din is kedhinigera zin te menge etew zin. Egkulehian din is langun he ed-ubpà kayi te kelibutan iring te etew he ebpengulahì emun egkeres sikandin te paras.

Jeremias 31:9

Ed-umanan ku sikandan ed-uwità is edsineǥew wey ebpengemuyù. Ed-uwiten ku sikandan diyà te menge wahig, ne ed-ikul sikandan diyà te meupiya he zalan he kenè dan duen ebpekesipà. Su iyan a amey te menge Israilihanen, ne si Efraim is kakey he anak ku.

Jeremias 33:9

Emun egkeuleule en heini, ne ebeǥey kedì te zengeg is inged he Jerusalem, ne egkelipey a wey edeliǥen a, ne is menge etew ziyà te menge nasyun kayi te kelibutan ebpengerkeren te kegkahandek dan emun egkezineg dan is meupiya he ebeelan ku keuzemà kayi he inged, ragkes is kebpeuswag wey kebeǥayi ku kayi te kelinew.”

Jeremias 5:22

Wazà niw ve kedtahud kediey? Maan is wazè kew kerkera ziyà te etuvangan ku? Iyan a is Nengazen migkaǥi te mibeelan ku is beyvey he netemanan te zaǥat. Pirmeninti heini he dulunà ne kenà egkelapew. Edtampil kayi is baǥel piru kenè en edlavey is daǥat kayi.

Jeremias 50:4

“Dutun he timpu is menge etew ziyà te Israel wey Juda edsineǥew is edangep kayi te kedì, te Nengazen he Megbevayè dan.

Jeremias 7:6

Kenè niw en dèdaaǥa is menge langyew, menge ilu, wey menge valu he vahi. Engkezi niw is kedhimatey te wazà mekesalà, wey kenè kew azap te zuma he menge ed-ezapen he ebpekezezaat dà keniyu.

Jeremias 7:9

Nenakew kew, nememunù, nengumpadi, nenangdù te tarù, midtutung te veyewà diyà te ki Baal, wey mid-azap kew te zuma he menge ed-ezapen he wazè niw ganì mekilala.

Ezekiel 26:16

Is menge pengulu ziyà te menge lugar he veyvey te zaǥat edrenà puun te pinuuwà te lavew ne edluwasen dan is bisti te hadì wey is mekempet he pendizalem he visti zan. Ne ebpinuu sikandan diyà te tanà is egkerkeren tenged te nehitavù keniyu.

Hoseas 3:5

Piru ziyà te huziyan, he edtelinguma he menge andew, edlikù dan edangep diyà te Nengazen he Megbevayè dan wey ziyà te hadì dan he kevuwazan ni David. Ed-uvey zan diyà te Nengazen duma is kedtahud tenged te ketulanged din.

Joel 3:16

Eghiniǥer is Nengazen he ebpuun te Zion; edraǥeb is laǥeng din he ebpuun te Jerusalem. Ne tenged kayi egkehuyung is kelibutan wey is langit. Piru melig-en he eputà is Nengazen para te menge Israilihanen he menge etew zin.

Amos 1:2

Migkaǥi si Amos te, “Edhiniǥer is Nengazen he ebpuun te Zion; edraǥeb is laǥeng din puun te Jerusalem. Ne tenged kayi nengeǥangu is menge pepenebtavà te menge vantey te menge kerehidu ragkes en is menge pinemula ziyà te puntur te Buntud he Carmel.”

Amos 3:4

Edhiniǥer ve is erimaung diyà te ketelunan emun wazè din edewiyen? Edhiniǥer ve sikandin diyà te elesè din emun wazè din nezawi?

Amos 3:8

Hentei man is kenà egkahandek emun edhiniǥer is erimaung? Hentei man is kenà ebpekekaǥi te menge lalag te Nengazen he MEGBEVAYÀ emun iyan en is Nengazen he MEGBEVAYÀ ebpekaǥi kandin?

Micas 4:5

Piru minsan medsunud pa is duma he menge etew te menge ed-ezapen dan, ne sikami mulà edsunud key te Nengazen he Megbevayè dey taman te taman.

Habakuk 3:16

Migkaǥi si Habakuk te, “Hein nezineg ku is impahayag te Nengazen kayi te kedì, migkerker is tivuuk he lawa ku ragkes en is bivig ku tenged te kegkahandek ku. Midluyahan a ne migkerker is menge paa ku. Ne tenged kayi te impahayag te Nengazen, ne kenà a edarà is edtaǥad te timpu te kedsiluti zin te menge midsurung kenami.

Zacarias 10:10

Ibpeulì ku sikandan puun te Ehipto wey Asiria. Ne ibpeubpè ku sikandan diyà te ubpeey zan taman te Gilead wey Lebanon. Edsubra is kezakel zan taman te kenè dan en ed-ereg diyà te tanè dan.

Zacarias 10:12

Edlig-enan ku is menge etew ku su ziyè dan man te kediey, ne edsunud dan kediey. Iyan heini migkaǥi ku te Nengazen.”

Zacarias 8:7

Edlibriyen ku is menge etew ku he mibihag pehendiyà te menge tanà diyà te edsilaan wey edsenlepan.