Hoseas 10:8 - Manobo Western Bukidnon OT

⁸ Edrundusen is menge simbahan diyà te metikang he menge lugar ziyà te Aven, he iyan nehimu he hinungdan te kebpekesalà te menge tig-Israel. Ebmelayat is ebpenuvù he menge zuǥiyen ne ebpeketambun heini te menge pemuhatè dan. Ne egkeǥiyan dan is menge vuntud te, ‘Tempaǥi key wey vunbuni!’ ”

Hoseas 10:8 교차 참조

Genesis 3:8

Ne hein mahapun en dutun he ebpengpengeramag, nezineg dan is Nengazen he Megbevayà he edhiphipanew zutun te pemuleey. Ne haazà is maama wey esawa zin, mid-elesan dan is Megbevayà dutun te menge kayu he ziyà te pemuleey.

1 Hadì 13:2

Midsuǥù haazà is suluǥuen te Nengazen te kedrawak dutun te pemuhatà. Ke sikandin te, “Iyan heini egkeǥiyen te Nengazen mehitenged kayi te pemuhatà: Duen batà he egkeetew ziyà te menge kevuwazan ni David he iyan ngazan din si Josia. Ebpenhimetayan din wey ibpemuhat din kayi he pemuhatà is menge memumuhat he ebpemenilbi ziyà te menge simbahan diyà te metikang he menge lugar wey ebpemuhat kayi he pemuhatà. Egkeepur is menge tulan dan kayi he pemuhatà.”

1 Hadì 13:34

Heini is mibeelan ni Jeroboam nehimu he hinungdan te kebpekesalà te pemilya zin wey nekeuwit te kezeetan wey kemetayen diyà te kandan.

1 Hadì 14:16

Ebey-anan din sikandan tenged te menge salà ni Jeroboam, he nehimu he hinungdan te kebpekesalà te menge tig-Israel.”

2 Hadì 23:15

Minsan is pemuhatà diyà te simbahan diyà te metikang he lugar he ziyà te Betel midrundus ni Josia. Heini he simbahan impeveelan ni Jeroboam he anak ni Nebat, he iyan nehimu he hinungdan te kebpekesalà te menge tig-Israel. Mibekbek heini ni Josia ne mibinsulan din ragkes is tukud he simbulu te vahi he ed-ezapen he si Ashera.

2 Cronica 31:1

Ne hein nepasad haazà is pista, is menge Israilihanen he midtelavuk dutun midhendiyà te menge inged te Juda ne mibpenrupet dan is tedeman he menge vatu wey mibpenamped dan is menge tukud he simbulu te vahi he ed-ezapen he si Ashera. Mibpenrundus dan is menge simbahan diyà te metikang he menge lugar wey is menge pemuhatà diyà te tivuuk he Juda wey Benjamin, wey ziyà te Efraim wey Manase. Ne hein nepasad dan haazà te ebpenrundus, ne mid-ulì sikandan diyà te menge inged dan wey tanè dan.

Isaias 2:19

Ebpememelaǥuy is menge etew pehendiyà te menge surung diyà te kelendiǥan wey ziyà te menge vudsi te tanà su ed-elesan dan is Nengazen he egkepauk wey is utew subra he ǥehem din emun edhuyungen din en is kelibutan.

Isaias 2:21

Ebpememelaǥuy zan pehendiyà te menge surung diyà te kelendiǥan wey ziyà te zezekelà he menge vatu su ed-elesan dan is Nengazen he egkepauk wey is utew subra he ǥehem din emun edhuyungen din en is kelibutan.

Isaias 32:13

Is tanà te menge etew ku edtuvuan dà te zuǥiyen he zezeisey he kayu wey menge sagbet. Ne egkaawà is melipayen he menge pemilya wey is inged he melipayen is menge etew zuen.

Isaias 34:13

Ebpenuvuan dà te menge zuǥiyen he zezeisey he kayu is binerengbeng he menge inged dan wey is melig-en he menge vahin kayi. Ne ed-ubpà dutun is menge ekang wey is leew he menge asu.

Hoseas 10:2

Menge limbungan sikandan, ne ǥuntaan ereg sikandan he ebpekaantus tenged te menge salè dan. Ebengkaǥen te Nengazen is menge pemuhatè dan wey is tedeman he menge vatu.

Hoseas 10:5

“Egkahandek is menge meǥinged diyà te Samaria tenged te kegkaawà te menge ed-ezapen he vehiyan he menge vaka ziyà te Bet Aven. Sikandan wey is menge memumuhat dan he ingkelipey zan is kekempet kayi he menge ed-ezapen, ebpekelalew zan su egkuwaan heini ziyà te kandan

Hoseas 10:9

Migkaǥi is Nengazen te, “Sikiyu is menge etew te Israel mibpedayun kew mebaal te salà puun pa zutun te timpu te kebaal te salà te menge kepuun niw ziyà te Gibea. Wazè kew iyan meveǥu. Umbe sikiyu is menge kevuwazan te menge lalung ne edsurungen te Gibea?

Hoseas 2:6

“Umbe edurengen ku sikandin te zuǥiyen he zezeisey he kayu su para kenà sikandin mekeǥawas.

Hoseas 4:13

Nemuhat kew ziyà te puntur te menge vuntud, diyà te sihung te metawis wey merapung he menge kayu, su meupiya heini he edhelungan. Umbe mibpehilavet is menge anak niw he raǥa ne is menge ambey niw nengumpadi zaan.

Hoseas 4:15

“Menge tig-Israel, minsan mid-iniyuǥan a keniyu he iring kew te vahi he nengumpadi, ne kenè niw uwit-uwita is menge tig-Juda. “Ne sikiyu is menge tig-Juda, kenè kew medhendiyà te Gilgal wey Bet Aven te ked-azap kediey etawa kebpenaad pinaaǥi te ngazan ku.

Hoseas 5:8

“Ipezaǥing niw is menge vudyung wey menge trumpita su wey mekepengandam is menge etew ziyà te Gibea wey Rama! Ipezineg niw ziyà te Bet Aven is kulehian para te kebpekidtebek! Pengandam kew is menge etew te Benjamin!

Hoseas 8:5

Inselikwey ku is ed-ezapen he vaka te menge tig-Samaria. Ne neregreg is pauk ku kandan. Keenu zan buwa ebpengungubpaan he lumpiyu?

Hoseas 9:6

Minsan egkepeleǥuyan niw is kezeetan, edtiǥumen kew gihapun diyà te Ehipto ne idleveng kew ziyà te Memfis. Egketembuan dà te sagbet wey zuǥiyen he dezeisey he kayu is mahalen he menge gelemiten niw he pelata wey is menge tulda niw.

Amos 1:5

Ebengkaǥen ku is pultahan te Damascus wey edezeetan ku is menge pengulu ziyà te Suǥud te Aven wey Bet Eden. Ebihaǥen te menge tig-Kir is menge etew ziyà te Aram. Iyan a, is Nengazen, is migkaǥi kayi.”

Amos 3:14

Dutun te andew te kedsiluti ku te menge tig-Israel tenged te menge salè dan, edweǥayen ku is menge pemuhatà diyà te Betel. Epungelen ku is menge sungeysungey te menge suyuk te pemuhatà ne egkengeulug heini ziyà te tanà.

Amos 7:9

Edrundusen ku is menge simbahan diyà te metikang he menge lugar he zutun ed-azap is menge tig-Israel he menge kevuwazan ni Isaac. Ne ibpesurung ku te menge kuntada is Israel, he ginhedian ni Hadì Jeroboam.”

Amos 8:14

Sikiyu is ebpenangdù pinaaǥi te ngazan te menge ed-ezapen diyà te Samaria, Dan, wey Beersheba, edezeetan kew ne kenè kew en ebpekeenew pa.”

Micas 1:13

“Sikiyu is menge meǥinged diyà te Lakish, senggari niw te menge kerwahi is menge kudè niw ne pelaǥuy kew. Mid-iringan niw is salà te menge tig-Israel, ne tenged keniyu mibaal zaan te salà is menge tig-Zion.

Micas 1:5

Egkehitavù heini is langun tenged te mibaal te salà is menge etew te Israel wey Juda. Is menge tig-Samaria, iyan midtukù te zuma he menge meǥinged diyà te Israel te kebaal te salà. Is menge tig-Jerusalem, iyan midtukù te zuma he menge meǥinged diyà te Juda te ked-azap te zuma he menge ed-ezapen.

Nahum 3:11

Iring kew zaan keniyan is menge tig-Nineve, egkeiring kew te egkelangut he kenè din egketuenan ke hengkey is egkehitavù kandin. Egkehandek kew te menge kuntada niw emun edsurungen kew zan en ne ebpen-ehè kew te egkeelesan niw he zutun kenè kew egkezekepan.

Deuteronomio 9:21

Ne migkuwa ku sikan is baka he mibeelan niw he midtukù keniyu te kebaal te salà, ne midtunew ku haazà diyà te hapuy. Ne hein nepasad mibekbek ku taman te nepurung mepurbus ne insimburè ku ziyà te wahig he edtudà puun te vuntud.