Hoseas 10:7 - Manobo Western Bukidnon OT

⁷ Egkezeetan wey egkahanew is hadì din iring te zeisey he kayu he egkaanud te wahig.

Hoseas 10:7 교차 참조

1 Hadì 21:1

Ne kegkeipus dutun he menge hitavù, iyan en maan heini nehitavù. Duen sevaha he etew he tig-Jezreel he iyan ngazan din si Nabot. Duen pemuleey zin te paras diyà te Jezreel he avey te turuǥan ni Hadì Ahab he hadì te Samaria.

2 Hadì 1:3

Piru migkeǥiyan te velinsuǥuen te Nengazen si Elias he tig-Tishbe te, “Genat ka ne hingumaa nu sikan is menge etew he midsuǥù duen te hadì te Samaria ne keǥiyi nu te, ‘Maan is edhendiyè kew te ki Baal Zebub, he ed-ezapen diyà te Ekron? Wazè be Megbevayà te Israel?

2 Hadì 15:30

Ne zutun mibpelanu te mezaat si Hoshea he anak ni Elah diyà te ki Peka he anak ni Remalia. Midhimetayan din si Peka ne iyan sikandin mid-ilis medhadì. Nehitavù heini hein ike-20 he tuig te kedhadì ni Jotam, he anak ni Uzia ziyà te Juda.

2 Hadì 17:4

Ne hein neuǥet wazè en mebayad si Hoshea te vuhis he iring duen te nehuna he kada tuig is kebayad din, ne mibpetavang sikandin ki Hadì So he hadì te Ehipto. Ne hein netuenan ni Shalmaneser he midluib si Hoshea, midakep din ne mibpirisu zin.

Hoseas 10:15

Iyan daan heeyan egkehitavù keniyu te menge tig-Betel su utew en subra is kelelalung niw. Dutun te egkeriwaswas pa, ne ebpatey en is hadì te Israel.”

Hoseas 10:3

Siguradu he ebpekekaǥi sikandan keuzemà: Wazè dey hadì su wazè key medtahud te Nengazen. Piru minsan duen dey pa hadì, wazà gihapun meupiya he egkehimu zin diyà te kenami.

Hoseas 10:8

Edrundusen is menge simbahan diyà te metikang he menge lugar ziyà te Aven, he iyan nehimu he hinungdan te kebpekesalà te menge tig-Israel. Ebmelayat is ebpenuvù he menge zuǥiyen ne ebpeketambun heini te menge pemuhatè dan. Ne egkeǥiyan dan is menge vuntud te, ‘Tempaǥi key wey vunbuni!’ ”