Hoseas 10:6 - Manobo Western Bukidnon OT

⁶ ne ed-uwiten diyà te Asiria su igasa ziyà te mekeǥeǥehem he hadì. Egkepeel-elezan is Israel tenged te kedsarig din te kayu he menge ed-ezapen.

Hoseas 10:6 교차 참조

2 Hadì 17:3

Midsurung ni Hadì Shalmaneser he hadì te Asiria si Hoshea. Nehimu sikandin he sakup ni Shalmaneser ne impevayad sikandin te vuhis.

Job 18:7

Dutun te nehuna he timpu meupiya is lengkazan din, iyan, guntaan ebpekeziregdireg sikandin. Kandin mismu he paaǥi is ebpekezezaat kandin.

Isaias 1:29

Egkepeel-elezan kew is menge tig-Jerusalem tenged te ked-azap niw ziyà te menge kayu he ulayan wey ziyà te pinilì niw he menge pemuleey.

Isaias 30:3

Piru egkepeel-elezan dà sikandan dutun te kebpelavan dan te hadì te Ehipto.

Isaias 45:16

Egkepeel-elezan wey edsudien is langun he mibaal te menge ledawan he ed-ezapen.

Jeremias 48:13

Ne zutun igkeeled te menge tig-Moab is ed-ezapen dan he si Kemosh iring te ingkeeled te menge Israilihanen is kenà tutuu he megbevayà he mid-azap dan diyà te Betel.

Jeremias 7:24

“Piru wazè dan mebpemineg wey medtuman te migkaǥi ku. Su iyan dan mibpezumdumahan is indikta te mezaat he gehinawa zan. Wazà sikandan med-uvey kayi te kedì, kekenà, mid-iniyuǥan e zan.

Ezekiel 16:28

“ ‘Mibpelelevag ke zaan diyà te menge tig-Asiria su wazè ke pa meperahi. Ne hein nepasad haazà wazè ke pa iyan meperahi.

Ezekiel 36:31

Ne egketenuzan niw is mezaat he menge ulaula wey menge vaal niw, ne igkelimezangi niw is keugelingen niw tenged te menge salè niw wey utew mezaat he menge vaal niw.

Daniel 11:8

Ed-uwiten din diyà te Ehipto sikan is menge ledawan te menge ed-ezapen dan wey is mahalen he menge azen he vulawan wey pelata. Ne seled te egkepipira he tuig, kenè en sikandin ebpekidtebek te hadì diyà te zizaya.

Hoseas 4:19

Edezeetan sikandan he iring te idlayap te mevandes he keramag, ne egkepeel-elezan sikandan tenged te kebpemuhata zan te zuma he menge ed-ezapen.”

Hoseas 4:7

Dutun te kebmahabet niw te menge memumuhat, ne mibmahabet en daan is menge salè niw kayi te kedì. Umbe ed-el-elezen ku sikiyu pinaaǥi te impahambug niw.

Hoseas 5:13

“Hein naahà te Israel wey Juda is kenà meupiya he kebpekesavuk dan, mibuyù te tavang is Israel ziyà te mekeǥeǥehem he hadì te Asiria. Piru kenà is Asiria ebpeketavang kandan.

Hoseas 8:6

Is ed-ezapen he vaka ziyà te Samaria mibeelan dà te platiru ziyà te Israel. Kenà heeyan Megbevayà! Siguradu he edrupeten heeyan.

Micas 6:16

Egkehitavù heini keniyu su ǥeina te mid-iringan niw is mezaat he menge vaal, menge sulunuzen, wey menge sambag ni Hadì Omri wey te anak din he si Hadì Ahab. Umbe, edezeetan ku sikiyu, ne ed-un-undahan kew wey edsudien te menge etew ziyà te zuma he menge nasyun.”