Hoseas 10:12 - Manobo Western Bukidnon OT

¹² Migkeǥiyan ku sikiyu te, ‘Ipemelemineg niw is gehinawa niw iring te tanà he mid-eradu. Pemula kew te ketazeng ne ebpekeraǥun kew te kebmahal. Su timpu en heini te kedangep niw kayi te kedì taman te ebpekeuma a ne ibpeseǥazan ku keniyu is kelibriyanan he iring te uzan.’

Hoseas 10:12 교차 참조

Salmo 105:4

Sarig kew te Nengazen wey te zesen din. Layun kew zangep diyà te kandin.

Salmo 72:6

Berakat he egkeiring sikandin te uzan he ebpekeveǥey te wahig kayi te kelibutan.

Erubasa 11:18

Is lalung he etew, kunaan din ke meupiya is suhul kandin, iyan, meupiya mulà is suhul te etew he meupiya is menge ulaula zin.

Erubasa 18:21

Is kedlalag, dezuwa is rimeǥas din, kedlalag he ebpekelibri wey kedlalag he ebpekekaid. Umbe is berèbaan egkezawat din is rimeǥas te menge egkeǥiyen din.

Megwewali 11:6

Pemula te tivuuk he andew, su kenè nu egketuenan ke meupiya ve is kedtuvù dutun etawa ke iyan dè be haazà is duma.

Isaias 30:23

Ebeǥayan kew te Nengazen te uzan dutun te timpu te kebpemula, ne ed-uzaren kew. Dutun he timpu ebpenabtab is menge ayam niw ziyà te meluag he menge penebtavà.

Isaias 31:1

Mekehizuhizu kew is mibuyù te tavang diyà te Ehipto. Midsarig kew te meǥaan he menge kudè dan, mahabet he menge kerwahi zan, wey memezesen he menge pereuntud dan te kudà. Piru wazè kew midsarig te Nengazen, he Waǥas he Megbevayà te Israel, ne wazè kew mebuyù te tavang din.

Isaias 32:20

edtuvazan kew te Megbevayà. Layun egkevinyagì is menge pinemula niw, ne ebpekeuyayà he ebpenabtab is menge ayam niw ziyà te minsan hendei.

Isaias 44:3

Su ebeǥayan ku sikew te wahig he ebpekevawì te kegkemezahi nu wey edhames te memaza he tanè nu. Ebpeulinan ku te Mulin-ulin ku is menge kevuwazan nu wey edtuvazan ku sikandan.

Isaias 45:8

Ebeǥey a te kezeeǥan duma is ketazeng, iring te kebeǥey te langit etawa kivel te uzan. Ne edewaten heini te menge etew kayi te kelibutan. Ebpekelepew is keluwasan wey is kezeeǥan duma is ketazeng iring te pinemula he edtuvù. Iyan a, is Nengazen midhimu kayi.

Isaias 48:18

Angin pezem ke midtuman niw is menge suǥù ku, su egkeiring pezem te wahig he edtudà diyà te keniyu is menge keupiyaanan, ne ebpekedtutundug dà pezem is menge kezeeǥan niw iring te menge vaǥel he ebpenhendiyà te veyvey.

Isaias 5:6

Ebpesegdanen ku en heini he pemuleey. Kenè ku en ebpenempezen is subpang etawa edterebehuwen is tanà duen. Etuvuan dà heini te menge sagbet wey duǥiyen he dezeisey he kayu. Ne egkeǥiyan ku is menge ǥapun he kenè dan heini petiǥisi te uzan.”

Isaias 54:14

Ebmelig-en ka su edtinazeng is menge etew nu. Ebpeleǥuyan ka te menge kuntada nu, umbe wazè nu en igkahandek. Kenè en ed-uvey ziyà te kenikew is menge kuntada nu, ne kenè ke en egkeheratan.

Isaias 55:6

Dangep kew ziyà te Nengazen ne umawa niw sikandin mintras wazè pa med-awà sikandin is edtavang keniyu.

Jeremias 50:4

“Dutun he timpu is menge etew ziyà te Israel wey Juda edsineǥew is edangep kayi te kedì, te Nengazen he Megbevayè dan.

Ezekiel 34:26

Edtuvazan ku sikandan wey is menge lugar peliǥuy te segradu he vuntud ku. Edtuvazan ku sikandan pinaaǥi te kebpeuzani ku kandan dutun te hustu he timpu.

Hoseas 12:6

“Umbe sikiyu is menge kevuwazan ni Jacob, likù kew en diyà te Megbevayè niw, ne ipeehè niw is kebmahal wey hustu he kukuman. Ne pedayun kew sarig te Megbevayè niw.”

Hoseas 14:1

Migkaǥi si Hoseas te, “He menge tig-Israel, likù kew ziyà te Nengazen he Megbevayè niw, su nezeetan kew tenged te menge salè niw.

Hoseas 6:3

Ebpeninguhaan tew he mekilala tew is Nengazen. Siguradu he ebpekeuma sikandin iring te kedsilà te andew. Ebpekeuma sikandin iring te uzan he ebpekeveǥey te wahig diyà te tanà.”

Hoseas 8:7

“Iring sikandan te nemula te keramag ne ebpekeraǥun sikandan te eribpures. Iring dan daan te trigu he wazè din pungu he kenà ebpekeveǥey te keenen. Piru minsan ebpekeveǥey heini te keenen, ne iyan egkaan duen is menge lumelengyawà.

Amos 5:15

Senggilahi niw is mezaat ne veeli niw is meupiya, ne hukum kew te hustu ziyà te hukmanan. Su kela ke mehizuwi kew zed te Nengazen he Megbevayà he Mekeǥeǥehem is nengesamà keniyu te menge kevuwazan ni Jose.

Amos 5:4

Umbe, dangep kew kayi te kedì, is menge etew te Israel, su wey kew meuyag-uyag.

Amos 5:6

Sikiyu is menge kevuwazan ni Jose, dangep kew kayi te kediey su wey kew meuyag-uyag. Su emun kenà, ne edsurungen ku sikiyu he iring a te hapuy. Umbe egkezeetan is Betel ne wazè en ebpekeeǥen kayi.

Amos 5:8

Is Megbevayà iyan midlimbag te menge grupu te menge vituen he migngezanan te Penikapan wey Belatic. Iyan sikandin mibpedliwà te merusirem wey merayag, wey maandew wey mezukilem. Iyan sikandin midtiǥum te wahig te zaǥat diyà te menge gapun ne ibpeuzan din heini ziyà te tanà. Is ngazan din iyan is Nengazen.