Hoseas 1:7 - Manobo Western Bukidnon OT

⁷ Piru egkehizuwan ku mulà is menge etew te Juda. Iyan a, is Nengazen he Megbevayè dan, edlibri kandan pinaaǥi te ǥehem ku ne kenà pinaaǥi te kebpekidtebek he egemiten is panà, ispada, menge kudà etawa pereuntud te kudà.”

Hoseas 1:7 교차 참조

2 Hadì 19:29

Ne migkeǥiyan ni Isaias si Hezekia te: “Iyan heini tuus he edipinsahan te Nengazen is Jerusalem te kedezaat te menge tig-Asiria: Guntaan he tuig is egkekaan niw, iyan is menge veǥas te pinemula he nenuvù dà, ne ed-ilis he tuig iyan is beǥas te menge pinemula he nenuvù diyà te midtuvuan duen te nehuna. Piru te iketelu he tuig, ebpekepemula kew en te trigu ne ebpekeraǥun kew en. Ebpekepemula kew en daan te paras ne ebpekekaan kew te veǥas kayi.

2 Hadì 19:34

Edipinsahan ku wey edlibriyen ku heini he inged para meveǥayi a te zengeg wey tenged te penaad ku ki David he suluǥuen ku.’ ”

2 Hadì 19:35

Kegkezukilem, midhendiyà is belinsuǥuen te Nengazen te kampu te menge tig-Asiria, ne migerè din is 185,000 he menge sundaru. Ne hein meselem en, ked-enew zuen te nesamà he menge uuyag, neehè dan is utew mahabet he nemematey.

2 Hadì 6:18

Dutun te kebeyai ki Elisha te menge kuntada, mid-ampù sikandin te, “Nengazen, lekapa nu heini he menge etew.” Umbe midlakap sikandan te Nengazen sumalà is midhangyù ni Elisha.

Salmo 33:16

Is hadì kenà ebpekezaag te tebek tenged dà te kezakel te menge sundaru zin. Is sevaha he sundaru kenà ebpekeǥawas he libri puun te tebek tenged dà te kezesen din.

Salmo 44:7

Su iyan ka ebpengelintau para mezaag dey is menge kuntada zey. Ebpeel-elezan nu is ebpekidtebek kenami.

Exodus 14:13

Ne midtavak si Moises te, “Kenè kew mahandek. Pekelig-en kew ne egkeehè niw is paaǥi te Nengazen te kedlibriya zin keniyu ǥuntaan he andew. Su heini is menge Ehiptohanen he egkeehè niw ǥuntaan, ne kenè niw en sikandan egkeuman egkaahà.

Exodus 14:30

Dutun he andew midlibri te Nengazen is menge Israilihanen te mezaat he ebeelan pezem kandan te menge Ehiptohanen, ne naahà te menge Israilihanen diyà te veyvey is nemekehidhizeǥà he nemematey.

Isaias 12:2

Sikew Megbevayà, iyan ka menluluwas ku. Edsarig a kenikew ne kenà a egkahandek. Iyan ka, Nengazen, mibeǥey kedì te zesen, ne iyan ka egkentahan ku. Iyan ka midlibri kedì.”

Isaias 30:18

Piru edtaǥad is Nengazen te ked-uvey niw ziyà te kandin su para ikepeehè din is hizu zin keniyu. Andam sikandin he ebpaahà te kegkeipeng din keniyu. Su is Nengazen, metazeng he Megbevayà, ne utew zeyzey is langun he midsarig diyà te kandin.

Isaias 49:6

Migkaǥi sikandin te, “Sikew is suluǥuen ku, zuen pa zekelà he vuluhaten ku he ebpeveelan ku kenikew, gawas te kebpelikùa nu te menge Israilihanen he ebpengelangan ku. Edhimuwen ku pa sikew he iring te sulù he ebpeketayew te menge nasyun, su para zuen kelibriyanan kayi te tivuuk he kelibutan he egkaangken te menge etew.”

Isaias 7:14

Umbe iyan mismu is Nengazen ebeǥey keniyu te tuus. Ne iyan heini tuus: Ebmeǥingey is betan-en he vahi ne ed-anak te maama. Ne egngezanan din haazà is batà te ‘Emmanuel.’

Jeremias 25:5

Migkaǥi is Nengazen pinaaǥi te menge ebpeneuven din te, “Engkezi niw en is mezaat he menge vetasan niw wey menge ulaula niw su para meubpai niw taman te taman heeyan is tanà he imbeǥey ku keniyu wey te menge kepuun niw.

Jeremias 25:6

Kenè kew penilbi wey azap te zuma he menge ed-ezapen. Kenè niw himuwa he mepauk a pinaaǥi te kebpenilbi niw wey ked-azap te menge ed-ezapen he bineelan niw zà, su para kenè ku sikiyu siluti.”

Jeremias 33:26

kenà daan egkahalin is kebpekid-uyun ku te menge kevuwazan ni Jacob wey ki David he suluǥuen ku. Ebpilì a puun diyà te menge kevuwazan ni David te edhadì te menge kevuwazan ni Abraham, ki Isaac, wey ki Jacob. Egkehizuwan ku is menge etew ku ne idlikù ku sikandan diyà te tanè dan wey ziyà te meupiya he kebpekesavuk dan.”

Hoseas 1:8

Ne hein midlutas en ni Gomer sikan is anak din he si Lo Ruhama, mid-uman sikandin mebmeǥingey ne mid-anak te maama.

Hoseas 11:12

Migkaǥi pa is Nengazen te, “Layun e zà edterterui wey edlelunga te menge tig-Israel. Ne is menge tig-Juda mibpedayun te kebpekeziyù kayi te kedì, te Megbevayà he waǥas wey metinumanen.

Zacarias 4:6

Ne migkaǥi sikandin kayi te kedì te, “Kenè ku pa edtevaken is insè nu, ne pemineǥa nu heini is menge lalag te Nengazen he Mekeǥeǥehem diyà te ki Zerubabel: “Zerubabel, egkepasad nu is kebpehitindeg te valey te Nengazen kenè pinaaǥi te zesen wey egkehimu te etew, kekenà, pinaaǥi te Mulin-ulin he ibpetavang ku kenikew.

1 Samuel 17:47

Is langun he nevurun kayi egketau he ebpekeluwas is Nengazen te keet-etawan din minsan wazà ispada wey vangkew, su is Nengazen iyan en ebpekidtebek, wey ibeǥey kew zin is langun kenami.”