Haggai 2:19 - Manobo Western Bukidnon OT

¹⁹ Minsan wazè en nesamà he trigu, wey wazè en beǥas te paras wey menge kayu he higus, pumigranata, wey ulibu, ne puun guntaan edtuvazan kew te Nengazen.”

Haggai 2:19 교차 참조

Genesis 26:12

Ne zutun he lugar mid-ezek si Isaac ne nekeraǥun sikandin te ke 100 metakep te haazè dà he tuig, tenged midtuvazan sikandin te Nengazen.

Job 39:12

Ebpekesarig ke ve kayi he edtiǥumen din wey edhekuten din is neraǥun pehendiyà te gunasà?

Salmo 133:3

Iring heini te zehemug diyà te Buntud he Hermon he nengetaktak diyà te Buvungan he Zion. Ne kayi te Zion medsaad is Nengazen te tuvad, he iyan is untung he wazà pidtemanan.

Salmo 84:12

Nengazen he Mekeǥeǥehem, utew zeyzey is edsarig diyà te kenikew.

Jeremias 31:12

Edhendiyè dan te Buvungan he Zion ne ed-ugyab sikandan tenged te kegkelipey. Egkelipey zan tenged te menge keupiyaanan he ibeǥey ku kandan–he iyan is uzar he trigu, binu, lana, wey menge uyaǥen. Egkeiring sikandan te pemuleey he layun ebinyaǥi, ne kenè dan en egkeseeng.

Jeremias 31:14

Edhentayen ku is menge memumuhat te utew zekelà wey metaam he menge keenen. Ebpezaharan ku is menge etew ku te meupiya he menge vutang.”

Joel 1:12

Egkeǥangu is menge pinemula he paras wey is langun he kayu ragkes en is menge higus, pumigranata, palma, wey mensanas. Benar iyan he egkaawà is kelipey te menge etew.

Joel 2:14

Ne kela ke mahalin is isip te Nengazen he Megbevayè niw ne edtuvazan din is menge sebpet niw, su wey kew mekepemuhat en diyà te kandin te menge trigu wey vinu.

Haggai 1:11

Impememaza ku is tanà wey is menge vuntud. Umbe neipiktuwan is trigu, binu, lana, wey is duma pa he menge abut, ragkes en is menge etew, wey is menge uyaǥen dan, wey menge impemula zan.”

Malakias 3:10

Guntaan, egkeǥiyan ku sikiyu he ǥezami a keniyu, is Nengazen he Mekeǥeǥehem. Uwita niw is tivuuk he ikepulù niw ziyà te budiga ziyà te valey ku su para zuen egkekaan dutun te valey ku. Emun ebeelan niw heini, ebpeuwitan ku sikiyu te uzan ne ebeǥayan ku sikiyu te ebpenubra he tuvad.

Deuteronomio 15:10

Kinahanglan he ebpuun te keputian te atey niw is kebeǥayi niw kandin. Emun ed-ul-ulahan niw heini ne edtuvazan kew te Nengazen he Megbevayè niw ziyà te langun he menge vaal niw.

Deuteronomio 28:22

Uya, ibpaantus kew te Nengazen te ibpatey he menge zaru, dateng, levag, wey meinit he keramag, gulavung, wey erat te pinemula taman te egkengahanew kew.