Haggai 2:17 - Manobo Western Bukidnon OT

¹⁷ Midèdeetan te Nengazen is menge pinemula niw pinaaǥi te meinit he keramag, erat, wey kebpeuzan te ǥiyew he henduen be te menge vatu, piru wazè kew gihapun medlikù diyà te kandin, migkaǥi is Nengazen.

Haggai 2:17 교차 참조

Genesis 42:23

Wazè dan metueni he egkesavut ni Jose is egkeǥiyen dan, su emun ebpekidlalag sikandin kandan ne zuen tigseysey zin.

Genesis 42:27

Ne hein mezukilem en midhulavung dan diyà te sevaha he lugar. Ne mibengkasan te sevaha kandan is saku zin su ibpekaan din is asnu zin ne neehè din is selapì he imbayad din.

Genesis 42:6

Ne iyan si Jose gubirnedur te tivuuk he ǥinhedian te Ehipto, iyan sikandin ebelegyà te egkeenen diyà te tivuuk he menge meǥinged dutun. Ne zutun te kebpekeuma te menge kakey zin, midluhud dan diyà te etuvangan ni Jose he iyan kedtahud dan.

1 Hadì 8:37

“Emun ebpekeuma is bitil ziyà te tanà te menge etew nu, limas etawa meinit he keramag, etawa keranapranap he ebpekezezaat te menge pinemula, ragkes en is menge terapan wey menge tetaru, etawa edliǥuyan sikandan te menge kuntada zan diyà te minsan hendei te menge inged dan, etawa ebpekeuma ziyà te kandan is minsan hengkey he zaru,

2 Cronica 28:22

Emun duen kemereǥenan he ebpekeuma ziyà te ki Hadì Ahaz, ne ed-iseg pa is kedsupak din te Nengazen.

2 Cronica 6:28

“Emun ebpekeuma is bitil ziyà te tanà te menge etew nu, limas etawa meinit he keramag, etawa keranapranap he ebpekezezaat te menge pinemula, ragkes en is menge terapan wey menge tetaru, etawa edliǥuyan sikandan te menge kuntada zan diyà te minsan hendei te menge inged dan, etawa ebpekeuma ziyà te kandan is minsan hengkey he zaru,

Job 36:13

Is menge etew he wazà medtuu te Megbevayà, duen pauk diyà te gehinawa zan, ne minsan edsilutan sikandan te Megbevayà, ne kenà sikandan ebpetavang kandin.

Salmo 128:2

Is rimeǥas te menge kedhaǥù niw ne utew ereg te menge kinahanglan niw; ebmelipayen kew wey ebmeuswaǥen.

Salmo 78:46

Impekaan din te terapan is menge pinemula zan wey menge abut dan.

Isaias 28:2

Pemineg kew! Duen melig-en wey mekeǥeǥehem he nasyun he id-andam te Nengazen he ibpezezaat din te Samaria. Iring heini te ebpekezezaat he vagyu he egkelepikan te ǥiyew, wey iring te mevendes he zalem.

Isaias 37:27

Is menge meǥinged diyà te menge inged he mibpemengkag nu, naawè en is desen dan; nahandek sikandan wey nepeel-elezan. Neiring sikandan te menge sagbet diyà te pemuleey he meǥaan dà egkeǥangu dutun te kedtuvù dan etawa iring te menge sagbet he nenuvù diyà te atep he seǥuǥunè dà egkeǥangu zutun te kedtuvù dan.

Isaias 42:25

Umbe impaahà te Nengazen kenitew is dekelà he pauk din pinaaǥi te kebpeentusa zin kenitew te tebek. Is pauk din iring te hapuy he nekevekuku wey neketutung kenitew, piru wazè tew heini isipa wey seǥipaa.

Isaias 62:8

Nenangdù is Nengazen he pinaaǥi te gehem din ebeelan din heini. Ke sikandin te, “Kenè ku en ibpekaan is menge trigu niw te menge kuntada niw he lumelengyawè, ne kenè dan en ed-inumen is binu he midheǥuan niw.

Isaias 9:13

Piru is menge etew te Israel kenà gihapun edlikù diyà te Nengazen he Mekeǥeǥehem he midsilut kandan.

Jeremias 3:24

Puun pa te vetan-en key pa is mekeeled-eled he menge ed-ezapen iyan en nekepehimulus te veǥas te kedhaǥù te menge kepuun dey, he iyan is menge uyaǥen dan wey menge anak dan.

Jeremias 5:3

Ne zutun migkaǥi a te, “He Nengazen, kenè be nengeehè ka te etew he egkeseriǥan? Mibpesekitan nu is menge etew nu, piru wazè dan heini seǥipaa. Midsilutan nu sikandan wey zan mepenurù, piru kenè dan egkesuat he ebpenuruen. Wazè dan en keelezan ne kenè en sikandan ed-engked te kebaal te mezaat.

Amos 4:6

“Iyan a mibpaaǥi te vitil ziyà te langun he menge inged niw, piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Haggai 1:11

Impememaza ku is tanà wey is menge vuntud. Umbe neipiktuwan is trigu, binu, lana, wey is duma pa he menge abut, ragkes en is menge etew, wey is menge uyaǥen dan, wey menge impemula zan.”

Haggai 1:6

Dekelà is impemula niw piru zeisey zà is neraǥun niw. Duen niw keenen, piru kenà heini ereg. Duen niw inumen, piru kurang heini. Duen niw visti, piru kenà heini utew ebpekaalang te meǥenew. Duen egkezawat niw he suwildu, piru meǥaan dà heini egkaamin.

Haggai 1:9

Migkaǥi pa is Nengazen he Mekeǥeǥehem te, “Dekelà is ebperetengen niw he sebpet piru zeisey zà is neraǥun niw. Ne zutun te ked-ulia niw kayi midezeetan ku heini. Mibeelan ku heini tenged te neregdas en is baley ku piru is kada sevaha keniyu mulà, ne egkevuhetanan te kedterebahu ziyà te kandin mismu he valey.

Haggai 2:16

Dutun te nehuna, emun edhendiyè kew te midtembuan te menge trigu he ebperateng kew he ebpekekuwa kew te 20 he takes, ne 10 dà he takes is egkekuwa niw. Ne emun edhendiyè kew te keresà te paras is ebperateng he ebpekekuwa te 50 he galun he vinu, ne 20 zà is egkekuwa niw.

Malakias 3:11

Kenè ku idtuǥut he dezeeti te ebpekezezaat te pinemula is menge pinemula niw, is menge paras niw ziyà te menge pemuleey niw ne kenà egkengerapi is beǥas dan, migkaǥi is Nengazen he Mekeǥeǥehem.

Deuteronomio 28:22

Uya, ibpaantus kew te Nengazen te ibpatey he menge zaru, dateng, levag, wey meinit he keramag, gulavung, wey erat te pinemula taman te egkengahanew kew.