Haggai 2:15 - Manobo Western Bukidnon OT

¹⁵ Puun guntaan, is-isipa niw is kebpekesavuk niw hein wazè niw pa puuni is kebangun te valey ku.

Haggai 2:15 교차 참조

Ezra 3:10

Hein nepasad en duen te ebpemenerebahu is pundasyun duen te valey te Nengazen, mibpelastar is menge memumuhat su ebpezaǥing dan te menge trumpita. Heini sikandan nekevivisti te visti zan te kegkememumuhat. Mibpelastar zaan is menge Levihanen he menge kevuwazan ni Asaf su edtukar zan te menge simbal su edeliǥen dan is Nengazen sumalà te paaǥi he impenurù kandan ni Hadì David he hadì te Israel.

Ezra 4:24

Neengked is kebenguna zuen te valey te Megbevayà diyà te Jerusalem taman te ikezuwa he tuig te kedhadì ni Darius diyà te Persia.

Salmo 107:43

Is menge uluwanen ereg he ebpurung ed-isip-isip mehitenged kayi; ereg he ed-isipen dan is dekelà he ǥaǥew te Nengazen.

Isaias 5:12

Diyà te menge keemuran niw duen niw banda wey vinu. Piru wazè niw seǥipaa is menge vaal te Nengazen.

Hoseas 14:9

Berakat he is duen din kedsavut keniyu metueni zin wey mesavut din is menge ingkesurat kayi. Utew hustu is menge paaǥi te Nengazen ne ed-ikulen heini te menge metazeng, piru igkeseligkat mulà heini te menge merepasen.

Haggai 1:5

Is-isipa niw is nengehitavù keniyu.

Haggai 1:7

Umbe, is-isipa niw is nengehitavù keniyu.

Haggai 2:16

Dutun te nehuna, emun edhendiyè kew te midtembuan te menge trigu he ebperateng kew he ebpekekuwa kew te 20 he takes, ne 10 dà he takes is egkekuwa niw. Ne emun edhendiyè kew te keresà te paras is ebperateng he ebpekekuwa te 50 he galun he vinu, ne 20 zà is egkekuwa niw.

Haggai 2:18

Ike-24 guntaan he andew te ikesiyam he vulan, ne ǥuntaan nepasad sikan is pundasyun duen te valey te Nengazen. Ne peninimè kew en ke hengkey is egkehitavù puun guntaan.

Zacarias 8:10

Hein wazè pa mepuuni is ked-umana kebenguna te valey ku, melised is kebpekesavuk niw ragkes is kepekesavuk te menge uyaǥen niw. Wazà meveyazi is menge etew he edterebahu wey menge uyaǥen he migamit te kedterebahu, wey mekulbà is kedhiphipanew ziyà te minsan hendei su midhimu ku he mekedtetebek is menge etew.

Zacarias 8:11

Piru ǥuntaan, siak is Nengazen he Mekeǥeǥehem, egkaǥi a te kenè ku en heini ebeelan diyà te keniyu te nengesamà.