Genesis 8:10 - Manobo Western Bukidnon OT

¹⁰ Ne midtaǥad pa si Noe te pitu he andew ne impelayang din en maan haazà is limuken he ebpuun te arka.

Genesis 8:10 교차 참조

Genesis 7:10

Ne hein netuman en haazà is pitu he andew, midlapey is menge wahig diyà te kelibutan.

Genesis 7:4

Su egkepasad is pitu he andew puun guntaan, ibpeuzanan ku is tivuuk he kelibutan, taman te 40 he andew wey 40 he kezukileman, su wey melimas is minsan hengkey he egeǥehinawa he linimbag ku.”

Genesis 8:11

Ne hein mahapun en dutun, midlikù haazà is limuken he ebangà te mehilew he zahun te kayu he ulibu. Ne netuenan dutun ni Noe he midtighak en is wahig.

Genesis 8:12

Ne midtaǥad pa maan si Noe te pitu pa he andew zutun, ne impelayang din en maan haazà is limuken, piru wazè en medlikù diyà te kandin.

Genesis 8:9

piru wazà naahà duen te limuken he egkeletunan din su kemulu pa is wahig nekeeneb te tivuuk he kelibutan. Umbe midlikù haazà is limuken diyà te ki Noe ziyà te arka. Ne impelatun ni Noe haazà is limuken diyà te velad din.

Salmo 40:1

Wazà a medarà he edtaǥad te Nengazen, ne mibpemineg din is kebuyù ku te tavang diyà te kandin.

Isaias 26:8

Nengazen, edsunuzen dey is menge suǥù nu, ne midsarig key kenikew. Iyan penganduy zey he meveǥayi ka te zengeg.

Isaias 8:17

Ebperateng a ziyà te Nengazen minsan pà te mid-iniyuǥan din is menge kevuwazan ni Jacob. Edsarig a ziyà te kandin.