Genesis 6:16 - Manobo Western Bukidnon OT

¹⁶ Beeli nu is sulawà te arka he senge siku is elang din puun dutun te atep ne ziyà te kilid te arka beeli niw is gemawan. Tetelu he endana is dutun te arka; duen diyà te zivavew, duen diyà te zizalem, wey zuen daan diyà te teliwazà.

Genesis 6:16 교차 참조

Genesis 6:15

Is paaǥi te kebeeli nu zuen, ne iyan heini: 450 he giek is belavag din, 75 he giek is keluaǥan din, ne 45 he giek is ketikang din.

Genesis 6:17

Su ibpelapey ku is langun he menge wahig dini te tanà su wey melimas is minsan hengkey he egeǥehinawa zini te kelibutan. Ne egkeǥerà is minsan hengkey zini te tanà.

Genesis 8:6

Kedlavey te 40 he andew, mibpuwasan ni Noe is sulawà duen te arka

2 Samuel 6:16

Hein idseled dan en haazà is Kavan te Nengazen dutun te Inged ni David, mibpantew si Mical he anak ni Saul ziyà te bintanà. Ne neehè din si Hadì David is edlinglingketew en is edsayew ziyà te etuvangan te Nengazen, ne neepes si Mical te mibeelan ni David.

2 Hadì 9:30

Ne midhendiyà si Jehu te Jezreel. Ne hein netuenan haazà ni Jezebel mibpeguwapa sikandin ne midsulew ziyà te sulawà duen te turuǥan.

Ezekiel 41:16

ne mibpekeplaan te tabla, ragkes is peliǥuy zuen te zezeisey he menge sulawà. Is tetelu he ruǥu ziyà te pesiziveluyà he kilid te veyeey, mibpekeplaan daan te tabla puun te saag pehendiyà te sulawà. Heini he menge sulawà egkehimu he edlekevan.

Ezekiel 42:3

Heini he menge ruǥu, 34 he ǥiek is kebpekediyù dan duen te valey te Nengazen, ne ebpekesinaru heini zuen te simintadu he veyeey ziyà te gawas he lama. Heini he menge ruǥu, tetelu he endana