Genesis 6:14 - Manobo Western Bukidnon OT

¹⁴ Baal ka te arka he kayu he sipru. Beeli nu zutun te arka is menge ruǥu ne pezeketi nu te merumiket he sulù is seled din wey is gawas din.

Genesis 6:14 교차 참조

Genesis 6:13

ne migkaǥi sikandin diyà te ki Noe te, “Neisip ku en he edlimasen ku is tivuuk he menusiyà. Su tenged kandan, nekeeneb te kelibutan is kelelalung, ne tenged dutun id-awè ku sikandan dini te tanà.

Genesis 6:15

Is paaǥi te kebeeli nu zuen, ne iyan heini: 450 he giek is belavag din, 75 he giek is keluaǥan din, ne 45 he giek is ketikang din.

Exodus 2:3

Iyan, hein kenè din en egkehimu te ed-eles haazà is batà, migkuwa sikandin te pepirus he teleǥuey ne mibpinsi zin te alkitran su wey kena rehevi te wahig. Ne zutun din itaǥù haazà is batà ne insavuk din diyà te vereesen he veyvey te Wahig he Nilo.