Genesis 6:13 - Manobo Western Bukidnon OT

¹³ ne migkaǥi sikandin diyà te ki Noe te, “Neisip ku en he edlimasen ku is tivuuk he menusiyà. Su tenged kandan, nekeeneb te kelibutan is kelelalung, ne tenged dutun id-awè ku sikandan dini te tanà.

Genesis 6:13 교차 참조

Genesis 49:5

“Sikiyu Simeon wey Levi, ebpeked-iring kew su egemiten niw is gumaan niw te kebpendaagdaag.

Genesis 6:14

Baal ka te arka he kayu he sipru. Beeli nu zutun te arka is menge ruǥu ne pezeketi nu te merumiket he sulù is seled din wey is gawas din.

Genesis 6:4

Ne zutun he timpu hein neked-esawa is menge anak te Megbevayà wey is menge vahi he anak te etew, pinaaǥi zutun duen in-anak dini te tanà he menge etew he egngezanan te Nefilim. Ne haazà is menge Nefilim, ne utew menge ǥemhanan he etew ne utew zan nengevantug dengan.

Genesis 7:21

Ne nelimas dutun is minsan hengkey he menge linimbag he egeǥehinawa zini te lumpad. Is menge tagbis, menge ayam, menge leew he langgam, menge keranapranap, wey is tivuuk he menusiyà, nelimas dutun is langun.

Genesis 7:23

Midlimas te Megbevayà is minsan hengkey he egeǥehinawa he ed-ubpà dini te kelibutan: etew, langgam, keranapranap, wey is menge tagbis. Iyan dà nelibri si Noe wey is menge zuma zin diyà te seled te arka.

Genesis 7:4

Su egkepasad is pitu he andew puun guntaan, ibpeuzanan ku is tivuuk he kelibutan, taman te 40 he andew wey 40 he kezukileman, su wey melimas is minsan hengkey he egeǥehinawa he linimbag ku.”

Genesis 8:21

Ne nahazek te Nengazen is kehemut te evel zutun, ne ke sikandin diyà te ǥehinawa zin te, “Kenè ku en maan edezeetan is menusiyà, minsan netuenan ku en he mekesesalà sikandan puun pa te ked-enaka kandan. Kenè ku en maan ed-umanan edlimasa iring te mibeelan ku.

Isaias 34:1

Uvey kew, is menge etew ziyà te menge nasyun, ne purung kew pemineg. Is tivuuk he kelibutan wey is langun he netaǥù kayi, kinahanglan he mebpemineg.

Jeremias 51:13

He Babilonia, utew ka mid-uzar te wahig wey mahabet is ketiǥeyunan nu. Piru neume en is kepengkusan nu; neume en is timpu te kegkezeeti nu.

Amos 3:7

Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.

Amos 8:2

Mid-insà is Nengazen kayi te kedì te, “Amos, hengkey is neehè nu?” Ne midtavak a te, “Sevaha he revan he zuen din taǥù he nelutuan he menge prutas.” Ne migkaǥi is Nengazen kayi te kedì te, “Neume en is ketepusan te menge etew ku he menge tig-Israel. Kenè ku en sikandan egkehizuwan.