Genesis 50:21 - Manobo Western Bukidnon OT

²¹ Umbe kenè kew mahandek su ed-elimahan ku sikiyu wey is menge anak niw.” Iyan heini menge lalag din kandan he menayù su wey mekesarig dan kandin.

Genesis 50:21 교차 참조

Genesis 34:3

Utew zin nesuati si Dina, ne utew zin mibmahal ne midneyneyuan din.

Genesis 45:5

Kenè kew meseeng, ne kenè kew mebasul te ingkevelegyà a keniyu kayi, su paaǥi heini te Megbevayà is impehuna a kayi para meluwas kew te mereǥen he ked-ubpà.

Genesis 47:12

Ne is amey zin, is menge suled din, wey is langun he menge sakup te amey zin ragkes te menge vatà, ne midsupurtar ni Jose te egkeenen.

Genesis 50:22

Ne si Jose wey is langun he menge sakup wey kevuwazan te amey zin, diyè dan med-ubpà te Ehipto. Is keluǥayad te untung ni Jose 110 he tuig.

2 Cronica 30:22

Nezeliǥan ni Hezekia is langun he menge Levihanen tenged te meupiya he terebahu he impeehè dan dutun te kebpenilbi zan te Nengazen. Ne mibpedayun is kedsilibra zan seled te pitu he andew. Migkaan dan is kandan he vahin dutun te menge pemuhat. Wey nemuhat dan te menge pemuhat he para te meupiya he kedepità, wey midalig dan is Nengazen he Megbevayà te menge kepuun dan.

Isaias 40:2

Lelaǥi niw te menayù is menge etew ziyà te Jerusalem. Tudtula niw kandan he nepasad en is kegkerasey zan wey nepesaylu en is menge salè dan. Su nezawat dan en is silut he para te langun he menge salè dan.”

Zatù 19:3

Ne midisisyun sikan is Levihanen he edtelukunan din haazà is esawa zin ne edhengyuan din he ed-uman sikandan ebpeemurà. Umbe migenat sikandin duma te sevaha he suluǥuen din wey zezuwa he asnu. Ne hein nekeume en sikandin, impelaus sikandin duen te vahi. Ne hein naahà sikandin duen te amey te vahi, mibpurungan din sikandin seǥipaa.