Genesis 49:28 - Manobo Western Bukidnon OT

²⁸ Iyan heini sikan is 12 he anak ni Jacob he menge tribu te Israel. Ne iyan haazà menge petizaan ni Jacob te kada sevaha kandan.

Genesis 49:28 교차 참조

Genesis 35:22

Ne zutun te timpu he kemulu pa ed-ubpà ensi Jacob dutun, midhulizan ni Reuben is esawa te amey zin he si Bilha. Hein netuenan haazà ni Jacob, utew sikandin nepauk. Duen 12 he menge anak ni Jacob.

Genesis 49:27

“Sikew Benjamin, iring ka te zumezaas he asu, he maandew wey mezukilem is kebpenhimatey zin wey kegkaan.”

Genesis 49:29

Ne zutun duen intelaan ni Jacob diyà te menge anak din, ke sikandin te, “Meǥaan e en ebpekaamur te menge kepuun ku he nemematey en. Ne emun egkehitavù en heini, ne ziyà a keniyu ileveng te surung duma te menge kepuun ku he ziyà te vevesukà ni Efron he Hitihanen.

1 Hadì 18:31

Migkuwa sikandin te 12 he menge vatu he iyan ibpesavut din is 12 he tribu he menge anak ni Jacob, sikan is etew he migngezanan te Nengazen ki Israel.

Ester 8:11

Ne zutun te surat, intuǥut te hadì diyà te menge Judio he ziyà te minsan hendei he inged dutun te ginhedian is ketenged te kedsevaha, su wey zan mepengelangi is keugelingen dan. Intuǥut kandan is kedezaat, kebpenhimatey, wey kebpuew te menge edsurung kandan, minsan hengkey he nasyun is ebpuunan dan wey minsan hengkey he prubinsya, ragkes en is menge vahi wey menge vatà. Ne elin daan intuǥut kandan is kedtavan te menge azen te menge kuntada zan.

Ester 8:7

Ne migkaǥi si Hadì Ahasuerus ziyà te ki Rayna Ester wey ki Mordecai te, “Impevitey ku en si Haman tenged te mezaat he vaal zin he idezaat din te menge Judio. Imbeǥey ku en diyà te kenikew, Rayna Ester, is keǥehem te kebayàbayà te langun he azen ni Haman.

Ester 8:9

Ne hein ike-23 he andew te iketelu he vulan te tuig he migngezanan te vulan he Sivan, mibpesuǥuan sikan is menge sikritaryu zuen te hadì. Ne insurat dan is suǥù he impesurat kandan ni Mordecai he para te menge Judio, menge gubirnedur, menge pengulu, wey te lavew he menge upisyal zutun te 127 he menge prubinsya su puun dà te nasyun he India ne pehendiyè en te Etiopia. Ne is paaǥi te kedsurata zutun he suǥù, migamit dan is keugelingen he kineǥiyan te menge etew ziyà te kada prubinsya wey is kineǥiyan te menge Judio.

Exodus 28:21

Is kada sevaha zuen te sepulù wey dezuwa he menge vatu, ne id-ukir zutun is sevaha zaan he ngazan te sevaha he anak ni Jacob, su iyan haazà edriprisintar te sepulù wey dezuwa he ebpuunan te menge kevuwazan ni Israel. Is ked-ukira zutun ne iring te ked-ukir te para ibmarka.

Numero 23:24

Heini he menge etew iring te erimaung he andam he edawi ne kenà edhimeley taman te egkekaan din is ebiktimahan din wey egkesupsup din is lengesa kayi.”

Deuteronomio 33:1

Iyan heini menge lalag ni Moises te suluǥuen te Megbevayà hein mibpenubtuvazan din is menge Israilihanen dutun te wazè pa sikandin mebpatey.