Genesis 49:27 - Manobo Western Bukidnon OT

²⁷ “Sikew Benjamin, iring ka te zumezaas he asu, he maandew wey mezukilem is kebpenhimatey zin wey kegkaan.”

Genesis 49:27 교차 참조

Genesis 35:18

Ne hein edluwèluwe en te ǥehinawa si Raquel, migngezanan din is anak din ki Ben Oni. Piru migngezanan mulà ni Jacob haazà is batà ki Benjamin.

Genesis 46:21

Is menge anak he maama ni Benjamin ne iyan si Bela, si Beker, si Ashbel, si Gera, si Naaman, si Ehi, si Rosh, si Mupim, si Hupim, wey si Ard.

Genesis 49:26

Guntaan, utew pa mezakel is menge ibpenuvadtuvad ku; lavew pa te meupiya he menge vuvungan he utew uuzaran. Berakat he mezawat nu heini he menge penuvadtuvad, Jose–iyan ka lavew te menge suled nu.

Genesis 49:28

Iyan heini sikan is 12 he anak ni Jacob he menge tribu te Israel. Ne iyan haazà menge petizaan ni Jacob te kada sevaha kandan.

Jeremias 5:6

Umbe, edsurungen sikandan te menge kuntada zan he henduen be te erimaung he ebpuun diyà te ketelunan etawa zumezaas he asu he ebpuun diyà te disirtu, wey iring te liyupardu he ed-ayan diyà te uvey te inged su edawi te minsan hentei he egawas. Neulaula heini kandan su utew en subra is kebpekidsukulè dan te Megbevayà wey layun dan en ed-iniyuǥi sikandin.

Ezekiel 22:25

Is menge pengulu zan mibpelanu te mezaat. Iring sikandan te edhiniǥer he erimaung he ebpenhimatey te menge etew. Ebpenguwa zan te menge ketiǥeyunan wey mahalen he menge azen. Mahabet is egkevalu tenged te kebpenhimatey zan.

Ezekiel 22:27

Is menge upisyal zan iring te zumezaas he menge asu he ebpitaspitas te egkezawi zan. Edhimatey zan para zà mekeselapì sikandan.

Zefanias 3:3

Is menge upisyal zan henduen be te edhiniǥer he erimaung. Is menge pengulu zan henduen be te zumezaas he asu, ne ebpen-ahà te egkezeesan din emun mezukilem, ne haazà ne ed-eminen din te edaas ne wazà egkesamà ke meselem.

Numero 23:24

Heini he menge etew iring te erimaung he andam he edawi ne kenà edhimeley taman te egkekaan din is ebiktimahan din wey egkesupsup din is lengesa kayi.”

Deuteronomio 33:12

Mehitenged te tribu ni Benjamin, migkaǥi si Moises te, “Pinelanggà te Nengazen is tribu ni Benjamin, ne ibpekeziyù din sikandan te ebpekezezaat wey ebpengelangan din sikandan te tivuuk he andew.”

Zatù 20:21

Ne migawas is menge Benjaminhen puun te Gibea te kebpekidtebek kandan. Ne zutun dà he andew, 22,000 he menge Israilihanen is nepatey te menge Benjaminhen.

Zatù 20:25

Iyan, mid-uman en maan megawas is menge Benjaminhen diyà te Gibea ne midsinuǥung dan heini is duma zan he menge Israilihanen. Ne kayi he timpu, nepatey zan is 18,000 he menge Israilihanen he memetau he eǥamit te menge ispada.