25 Iyan sikandin kes Mekeǥeǥehem he Megbevayà he ed-ezapen te menge kepuun nu he edtavang wey ebpenuvadtuvad kenikew. Ebeǥayan ke zin te uzan wey wahig diyà te serebseb. Ebeǥayan ke zin daan te mezakel he menge anak wey menge uyaǥen.
Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.
Ne ziyà te zivavew zutun te heǥezan, neehè din is Nengazen he edhithitindeg ne migkaǥi sikandin te, “Iyan a sikan is Nengazen, is Megbevayà ni Abraham wey ni Isaac. Ibeǥey ku kenikew wey te menge kevuwazan nu heini he tanà is midhizeǥaan nu.
Berakat he tuvazi ka te Megbevayà he Mekeǥeǥehem, ne veǥayi ke zin te mezakel he kevuwazan, su wey ka mehimu he amey te mezakel he grupu te menge etew.
Ne zutun mid-ampù si Jacob te, “He Megbevayà te apù ku he si Abraham wey Megbevayà te amey ku he si Isaac, iyan ka kes Nengazen he migkaǥi kediey he med-ulì a ziyà te menge kezuzumahi ku, diyà te tanà he zutun a ianak, ne edtuvazan a kenikew.
Ne mid-uman megkaǥi is Megbevayà diyà kandin te, “Iyan a sikan is Mekeǥeǥehem he Megbevayà. Edhimuwen ku he mevuwad ka. Egkehimu ka he kepuun te sevaha he nasyun wey te mezakel he menge nasyun, ne egkehimu he hadì is duma he menge kevuwazan nu.
Ne edhendiyè kiw te Betel; ne ebaal a zutun te pemuhatà ne ed-ezapen ku is Megbevayà he midtavang kedì te menge kelised ku, wey miduma kedì minsan hendei a ebpevayà.”
Ne midtavak is suluǥuen te, “Wazà kinahanglan he igkeseeng niw heeyan. Kenè kew mahandek. Is Megbevayè niw he Megbevayà te amey niw, iyan buwa mibeǥey keniyu te selapì diyà te menge saku niw, su nezawat ku man is selapì niw.” Ne mid-uwit din diyà te kandan si Simeon.
Ne migkaǥi si Jacob diyà te ki Jose te, “Mibpaahà dengan kediey is Mekeǥeǥehem he Megbevayà diyà te inged he Lus he ziyà te Canaan ne zutun midtuvazan e zin.
Su sikew, is Nengazen he Megbevayà, iring ka te andew he ebpeketayew, wey te kelasag he egkehimu he pengalang. Ebeǥey ka te pebur wey zengeg. Kenè nu idsekel is minsan hengkey he meupiya ziyà te nengungubpaan he wazà duen igkesawey.
Ne is sevaha pa, migngezanan din te Eliezer su geina te iyan edtavang kandin is Megbevayà he ed-ezapen te kepuun din; ne iyan midlibri kandin wey kenà sikandin mepatey te hadì te Ehipto.
