Genesis 49:22 - Manobo Western Bukidnon OT

²² “Sikew Jose, iring ka te meseǥila he asnu he ziyà te kilid te serebseb etawa ziyà te kelendiǥan.

Genesis 49:22 교차 참조

Genesis 41:52

Ne haazà is hazi he anak din, migngezanan din ki Efraim su ke sikandin te, “Midhimu te Megbevayà he mebmeuswaǥen a zini te tanà he mezakel is menge kemereǥenan ku.”

Genesis 46:27

Is menge anak he maama ni Jose he in-anak diyà te Ehipto, ne zezuwa. Ne 70 is langun he menge kevuwazan ni Jacob dutun te timpu te kedseled dan diyà te Ehipto.

Genesis 48:1

Neuma is timpu he netudtulan si Jose he edezaru is amey zin he si Jacob. Umbe miduma zin is dezuwa he anak din he si Manase wey si Efraim ne midhendiyà dan te amey zin.

Genesis 48:15

Ne zutun mibpenubtuvazan din sikandan ke sikandin te, “Berakat he ebpenubtuvazan heini he menge vatà te Megbevayà he ed-ezapen te menge kepuun ku he si Abraham wey si Isaac, kes Megbevayà he mid-elima kedì te tivuuk he untung ku taman en guntaan.

Genesis 48:16

Ne verakat he tuvazi zaan sikandan duen te velinsuǥuen he midlibri kedì te langun he menge kezeetan. Berakat he kenà a melipati wey is menge kepuun ku he si Abraham wey si Isaac. Berakat he mebmahabet utew is menge kevuwazan dan dini te kelibutan.”

Genesis 48:5

Ne ke si Jacob en maan te, “Ne ǥuntaan, sikan is dezuwa he anak nu he maama he kayi ianak te Ehipto te wazè e pa mekeuma zini, ne egkeragkes sikandan te kediey he menge anak. Kediey en si Efraim wey si Manase, iring te menge anak ku zaan si Reuben wey si Simeon.

Genesis 49:23

Edumutan ka te menge mememanà. Ne ebpenaan ke zan tenged te kegkeuringer zan,

Salmo 128:1

Utew kew zeyzey is menge edtahud te Nengazen, he nengungubpaan he ed-ikul te menge paaǥi zin.

Salmo 128:3

Is menge esawa niw he ziyà te menge valey niw ne egkeiring te utew meveǥas he paras, ne is menge anak niw edtigum he ebpekeliǥuy ziyà te lemisahan niw he henduen be te menguhed he menge kayu he ulibu.

Salmo 80:10

Nelembungan te menge subpang din is menge vuntud wey is dezekelà he kayu he sidru.

Ezekiel 19:11

Melig-en is menge subpang kayi ne egkehimu he ebeelan he tuked te hadì. Utew mibmetikang haazà is paras, ne midlavew te zuma he merapung he menge pinemula. Egkaahà heini tenged te ketikang din wey kerapung te menge subpang din.

Hoseas 13:15

Minsan edhuna kew he meuswaǥen kenà te menge kezuzumahi niw, edezeetan ku sikiyu. Ibpaaǥi ku is meinit he keramag he ebpuun diyà te disirtu he zapit te edsilaan ne egkengemezahan is menge serebseb wey menge kalut niw. Ne ed-eǥawen is mahalen he menge azen niw.