Genesis 49:19 - Manobo Western Bukidnon OT

¹⁹ Ne impelaus ni Jacob is egkeǥiyen din, ke sikandin te, “Sikew Gad, edsurungen ka te grupu te menge tulisan, piru edel-asen nu sikandan dutun te kebpelaǥuy zan, ne ebelesan nu sikandan.

Genesis 49:19 교차 참조

Genesis 30:11

Migkaǥi si Lea te, “Utew meupiya is palad ku!” Umbe migngezanan din haazà is batà ki Gad.

Genesis 46:16

Is menge anak he maama ni Gad ne iyan si Zefon, si Hagi, si Shuni, si Ezbon, si Eri, si Arodi, wey si Areli.

Genesis 49:20

“Sikew Asher, egkehimu ka he uuzaran. Ebpekeraǥun ka te menge keenen he para te menge dungganen he menge etew.

1 Cronica 12:9

si Ezer ne iyan pengulu zan, si Obadias is ikezuwa; si Eliab is iketelu;

1 Cronica 5:26

Umbe, ketau te Megbevayà te Israel he surunga sikandan ni Hadì Pul he hadì te Asiria (he iyan si Tiglat Piliser). Nevihag ni Pul is menge tribu ni Reuben, Gad, wey ketengà he tribu ni Manase ne ziyè din uwita te Hala, Habor, Hara, wey ziyà te Wahig te Gozan, ne zutun sikandan taman guntaan.

Josue 13:8

Is tribu ni Reuben, ni Gad, wey is ketengà he tribu ni Manase daan en mibeǥayan ni Moises he suluǥuen te Nengazen te kandan he vahin diyà te zapit te edsilaan te Jordan.