Genesis 49:13 - Manobo Western Bukidnon OT

¹³ “Sikew Zebulun, ed-ubpè ka ziyà te veyvey te zaǥat. Ne is kenikew he lugar ne egkehimu he zungguan te menge untuzà. Ne is kenikew he tanà ne taman diyà te Sidon.

Genesis 49:13 교차 참조

Genesis 30:20

Migkaǥi si Lea te, “Utew mahal is imbeǥey kediey te Megbevayà. Edtehuzen ad human te esawa ku su neveǥayan ku en sikandin te heenem he anak he maama.” Umbe migngezanan din haazà is batà te Zebulun.

Genesis 49:12

Umbe te subra he ked-inum nu te vinu, ne ebmeziǥà is mata nu. Ne tenged daan te subra he ked-inum nu te ǥatas, ne ebmeputì is ngipen nu.