Genesis 47:9 - Manobo Western Bukidnon OT

⁹ Ne midtavak si Jacob te, “130 en is penuiǥen ku. Mevavè dà is kedì he untung ne mereǥen is neulaula ku. Is keluǥayad te kedì he untung ne kenà ebpekerepeng te keluǥayad te untung te menge kepuun ku.”

Genesis 47:9 교차 참조

Genesis 11:11

Ne puun dutun te ked-enaka ki Arfaxad, 500 pa he tuig is keluǥayad te untung ni Shem, ne zuen duma pa he menge anak din he maama wey vahi.

Genesis 35:28

Is keluǥayad te untung ni Isaac 180 he tuig.

Genesis 47:28

Si Jacob, ne 17 he tuig is ked-ubpè din diyà te Ehipto ne is keluǥayad te untung din, ne 147 he tuig.

Genesis 47:8

Mid-insaan dutun te hadì si Jacob, ke sikandin te, “Pira, anggam, is penuiǥen nu?”

Genesis 5:27

Ne hein 969 en he tuig is penuiǥen din, minatey sikandin.

Genesis 50:26

Ne hein 110 en is penuiǥen ni Jose ne minatey sikandin. Mibelsamar zan is lawa zin ne insavuk dan diyà te lungun diyà te Ehipto.

1 Cronica 29:15

Netuenan nu he humuhulevungà key zà kayi te kelibutan iring te menge kepuun dey. Is untung dey ne iring dà te alung he egkehanew zà.

Job 14:1

“Sikami is menge etew, ne mevavè dà is untung dey ne mahabet is ebpekerasey kenami.

Salmo 119:19

Edlavey e zà kayi te kelibutan, umbe ipehayag nu kedì is menge suǥù nu.

Salmo 119:54

Egkanta a mehitenged te menge sulunuzen he ibpesunud nu minsan hendei a ed-ubpà.

Salmo 39:12

Nengazen, tevaka nu is ked-ampù ku; pemineǥa nu is kebuyù ku te tavang. Seǥipaa nu is kedsineǥew ku. Su iring e zà te lumelengyawà he meǥeliyug nu kayi te kelibutan, iring te langun he menge kepuun ku.

Salmo 39:13

Kena ad kenikew kepeuki, su para mebmelipayen a te kenè e pa ebpatey.

Salmo 39:5

Utew zà mevavà is untung he imbeǥey nu kediey. Diyà te kenikew is keluǥayad te untung ku ne wazè din bali. Su is tutuu iyan heini: is untung te etew ne iring dà te keramag he edlavey zà,

Exodus 6:4

Midhimu ku is kebpekid-uyun ku kandan, he ibeǥey ku kandan is tanà te Canaan he iyan neubpaan dan dutun te kegkelumelengyawè dan.

Exodus 7:7

Ne 80 en is penuiǥen ni Moises ne si Aaron, ne 83 is penuiǥen din hein mibpekidlalag sikandan te hadì te Ehipto.

Deuteronomio 34:7

Is keǥurang ni Moises 120 he tuig dutun te kebpatey zin, piru mezesen pa sikandin ne meupiya pa is ked-ehè din.

Josue 24:29

Ne hein neipus haazà minatey is suluǥuen te Nengazen he si Josue he anak ni Nun, te keǥurang he 110 he tuig.