Genesis 47:27 - Manobo Western Bukidnon OT

²⁷ Is menge kevuwazan ni Israel, ne ziyè dan med-ubpà te tanà he Goshen he sakup te Ehipto. Nekaangken sikandan te menge tanà dutun ne mibmezakel zan utew.

Genesis 47:27 교차 참조

Genesis 13:16

Ne is menge kevuwazan nu, edhimuwen ku sikandan he iring te eliyavuk. Emun kenà egkevilang is eliyavuk, kenà egkevilang daan is menge kevuwazan nu.

Genesis 17:6

Edhimuwen ku he mepurung mevuwad is menge kevuwazan nu, ne egkehimu sikandan he zekelà he nasyun, ne is duma kandan ne egkehimu he menge hadì.

Genesis 26:4

Edhimuwen ku he medmezakel is menge kevuwazan nu iring kezakel te menge vituen diyà te langit, ne ibeǥey ku heini kandan is langun he tanà. Ne pinaaǥi kandan, edtuvazan ku is langun he etew kayi te kelibutan.

Genesis 28:14

Is menge kevuwazan nu egkehimu he iring kezakel te eliyavuk te tanà. Pinaaǥi kenikew wey te menge kevuwazan nu, edtuvazan ku is langun he menge etew kayi te kelibutan.

Genesis 34:10

Egkehimu he ebpekeubpè kew kayi te kenami he tanà su kenè dey keniyu ibarew. Dini kew ubpà; dini kew petiǥayun minsan hendei ne ebpekaangken kew te tanà.”

Genesis 35:11

Ne mid-uman megkaǥi is Megbevayà diyà kandin te, “Iyan a sikan is Mekeǥeǥehem he Megbevayà. Edhimuwen ku he mevuwad ka. Egkehimu ka he kepuun te sevaha he nasyun wey te mezakel he menge nasyun, ne egkehimu he hadì is duma he menge kevuwazan nu.

Genesis 46:3

Ne ke sikandin te, “Megbevayà a; iyan a kes Megbevayà te amey nu. Kinahanglan he kenè ka mahandek he ebpehendiyà te Ehipto, su edhimuwen ku sikiyu he utew zekelà he nasyun.

Genesis 47:11

Ne mibeǥayan ni Jose is amey zin wey is menge suled din te utew memeupiya he tanà diyà te Ehipto ziyà te tanà he Rameses sumalà is insuǥù kandin dutun te hadì.

Genesis 8:7

ne zuen uwak he impelayang din. Ne haazà is uwak wazà medlikù su midtulung dà medlayanglayang taman te wazè pa memezahi is tanà.

Genesis 8:9

piru wazà naahà duen te limuken he egkeletunan din su kemulu pa is wahig nekeeneb te tivuuk he kelibutan. Umbe midlikù haazà is limuken diyà te ki Noe ziyà te arka. Ne impelatun ni Noe haazà is limuken diyà te velad din.

Nehemias 9:23

Impeiring nu te menge vituen diyà te langit is menge kevuwazan te menge Israilihanen su impemahabet nu. Ne mid-uwit nu sikandan diyà te tanà he impenaad nu ziyà te menge kepuun dan he edselezan dan wey ed-engkenen dan.

Salmo 105:24

Ne impemezakel te Nengazen is menge etew zin; ne egkereǥenan he edaag kandan is menge tig-Ehipto he menge kuntada zan.

Salmo 107:38

Midtuvazan sikandan te Megbevayà, ne mibmezakel zan. Minsan is menge uyaǥen dan ne wazè din mehimuwa he medeisey.

Exodus 1:12

Iyan, dutun te utew sikandan edèdaaǥa, nasì en sikandan mebmahabet ne mid-iseg en mebmeluag is egkeubpaan dan, ne tenged kayi egkahandek kandan is menge tig-Ehipto.

Exodus 1:7

piru meǥaan dà nevuwad is menge kevuwazan dan, ne utew en subra is kahabet dan, umbe nekeeneb en sikandan dutun te tanà te Ehipto he neubpaan dan.

Zacarias 10:8

Ed-umawen ku is menge etew ku ne edtiǥumen ku sikandan. Edlibriyen ku iyan sikandan, ne ebmahabet dan iring te zengan.

Deuteronomio 10:22

Hein midhendiyà is menge kepuun niw te Ehipto, menge 70 dà sikandan, piru ǥuntaan impemezakel kew te Nengazen he Megbevayè niw he iring te menge vituen diyà te langit.

Deuteronomio 26:5

Ne kaǥi kew ziyà te etuvangan te Nengazen he Megbevayè niw te: ‘Is kepuun dey he si Jacob, sevaha he Aramihanen he wazà dengan netendek he ubpeey zin. Midhendiyà sikandin te Ehipto ne mid-ubpà diyà duma te pemilya zin. Deisey zà sikandan dengan, piru te huziyan he timpu mibmahabet sikandan, midekelè dan, ne nehimu zan he mekeǥeǥehem he nasyun.