Genesis 47:1 - Manobo Western Bukidnon OT

¹ Ne midhendiyà si Jose te hadì te Ehipto ne ke sikandin te, “Nemekeume en is amey ku wey menge suled ku he ebpuun te tanà he Canaan, ne uwiten dan is langun he menge azen dan wey menge uyaǥen dan, ne ziyè dan en te Goshen.”

Genesis 47:1 교차 참조

Genesis 45:10

Keǥiyi niw sikandin he egkehimu he ebpekeubpà sikandin diyà te inged he Goshen duma te menge anak din wey menge apù din, menge uyaǥen, wey is langun he menge azen din, para uvey zà sikandin kayi te kedì.

Genesis 45:16

Ne hein netudtul haazà diyà te turuǥan te hadì te Ehipto he nemekeuma is menge suled ni Jose, utew nesuat kes hadì ne nesuat daan is menge upisyal zin.

Genesis 46:28

Si Jacob, ne impehuna zin si Juda ziyà te ki Jose su wey ikepenurù kandin is ibayà pehendiyà te tanà he Goshen. Ne hein nekeume en ensi Jacob diyà te tanà he Goshen,

Genesis 46:31

Ne migkaǥi zutun si Jose ziyà te menge suled din wey ziyà te langun he menge sakup te amey zin te, “Edhendiyà a te hadì su kinahanglan he edlelaǥan ku sikandin te, ‘Sikan is menge suled ku wey is langun he menge sakup te amey ku nekeuma zan en dini te kediey he ebpuun te ed-ubpaan dan diyà te Canaan.’

Genesis 46:34

kinahanglan he medtavak kew, ke sikiyu te, ‘Sikami is menge suluǥuen nu, menge bekidu key; puun dà te kedekdekelè dey su iyan daan heini ulaula te menge ginikanan dey.’ ” Ne ke si Jose te, “Dutun edtuǥutan kew zin he ed-ubpà diyà te tanà he Goshen, su is menge Ehiptohanen utew zan egkeepesi is minsan hentei he menge bekidu te menge uyaǥen.”

Exodus 8:22

Iyan, emun egkehitavù en haazà ne kenà mulà egkehitavù diyà te tanà he Goshen, he iyan ed-ubpaan te menge etew ku; kenà mulà edhendiyà te kandan is menge dezeizey he keranapranap he ebpezumdumahà, su para metueni niw he siak, is Nengazen, dutun a he lugar.

Exodus 9:26

Iyan dà wazà duen giyew is tanà he Goshen he zutun ed-ubpà is menge Israilihanen.