Genesis 46:34 - Manobo Western Bukidnon OT

³⁴ kinahanglan he medtavak kew, ke sikiyu te, ‘Sikami is menge suluǥuen nu, menge bekidu key; puun dà te kedekdekelè dey su iyan daan heini ulaula te menge ginikanan dey.’ ” Ne ke si Jose te, “Dutun edtuǥutan kew zin he ed-ubpà diyà te tanà he Goshen, su is menge Ehiptohanen utew zan egkeepesi is minsan hentei he menge bekidu te menge uyaǥen.”

Genesis 46:34 교차 참조

Genesis 13:7

Ne tenged dutun, mibpetebtebekè en is menge bekidu ni Abram wey is menge bekidu ni Lot. (Ne kenà duen dà taman su zuen daan menge tribu he Canaanhen wey menge Pirisihanen he zaan he menge meǥinged dutun.)

Genesis 13:8

Ne migkaǥi zutun si Abram diyà te ki Lot te, “Kenè ki edtebek ne kenà kinahanglan he ebpekedtebek is menge bekidu ta su enaken ku sikew.

Genesis 26:20

Piru mibpekidtebek is menge bekidu he tig-Gerar te menge bekidu ni Isaac su kandan kun haazà he kalut. Umbe migngezanan haazà ni Isaac he kalut te Esek, he ke và dà egkeǥiya, “Tebek,” tenged te mibpekidtebek is menge tig-Gerar kandin.

Genesis 30:35

Piru te haazà he andew, insivey ni Laban is kevangan he kambing, meemahan wey vehiyan, ragkes is meitem he menge kerehidu. Mibpeelimahan din heini te anak din he maama.

Genesis 34:5

Hein netuenan ni Jacob he midlayug ni Shekem si Dina, wazè din pa ul-ulaha is egkeisip din su wazè pa mekeulì is menge anak din he menge maama he ziyà te unayan su abantey te menge uyaǥen dan.

Genesis 37:12

Sevaha zutun he andew, midhendiyà is menge kakey ni Jose te Shekem su ebpemepenabtab te menge uyaǥen te amey zan.

Genesis 37:2

Iyan heini guǥud mehitenged te pemilya ni Jacob: Hein 17 is penuiǥen ni Jose, mid-uǥup en sikandin te menge kakey zin te kebantey te menge uyaǥen. Haazà he menge kakey zin, ne menge anak ni Bilha wey ni Zilpa he menge esawa te amey zin. Ebpenudtulen ni Jose ziyà te amey zin mezaat he menge ulaula te menge kakey zin.

Genesis 43:32

Impedsisivey zan is egkeenan: is egkeenan ni Jose, is egkeenan te menge suled din, wey is egkeenan te menge etew zutun he tig-Ehipto. Su is menge tig-Ehipto kenè dan ebpekidtuǥen te menge Hebriyuhanen su utew haazà supak te menge vetasan dan.

Genesis 45:10

Keǥiyi niw sikandin he egkehimu he ebpekeubpà sikandin diyà te inged he Goshen duma te menge anak din wey menge apù din, menge uyaǥen, wey is langun he menge azen din, para uvey zà sikandin kayi te kedì.

Genesis 45:18

Ne dumaha zan is amey niw wey is menge pemilya zan dini te kediey. Ebeǥayan ku sikandan te utew meupiya he tanà dini te ǥinhedian ku he Ehipto. Ibpekaan ku sikandan te utew meupiya zini te ǥinhedian ku.’

Genesis 46:32

Egkeǥiyan ku sikandin te, ‘Is menge maama, ne menge bekidu sikandan te menge uyaǥen, ne mid-uwit dan daan is langun he menge azen dan wey is langun he menge uyaǥen dan.’

Genesis 47:11

Ne mibeǥayan ni Jose is amey zin wey is menge suled din te utew memeupiya he tanà diyà te Ehipto ziyà te tanà he Rameses sumalà is insuǥù kandin dutun te hadì.

Genesis 47:3

Ne mid-insaan sikandan dutun te hadì te, “Hengkey is terebahu niw?” Ne midtavak sikandan te, “Menge bekidu key te menge uyaǥen, iring te menge ginikanan dey.”

Genesis 47:4

Ne migkaǥi zan daan te, “Midhendini key su zini key zèpa ed-ubpà su utew gerabi he vitil ziyà te Canaan, ne wazè en egkepenebtavan te menge uyaǥen dey. Pekelalaglalag ka he tuǥuti key he mekeubpè key ziyà te Goshen.”

Genesis 47:6

egkehimu he ebpekeubpà is pemilya nu kayi te Ehipto. Diyè nu ipeubpà sikandan te Goshen, he sevaha te meupiya he tanà te Ehipto. Emun duen nu netuenan kandan he egkeseriǥan, himuwa nu sikandan he menge bekidu te menge uyaǥen ku.”

Exodus 8:22

Iyan, emun egkehitavù en haazà ne kenà mulà egkehitavù diyà te tanà he Goshen, he iyan ed-ubpaan te menge etew ku; kenà mulà edhendiyà te kandan is menge dezeizey he keranapranap he ebpezumdumahà, su para metueni niw he siak, is Nengazen, dutun a he lugar.

Exodus 8:26

Iyan, midtavak si Moises te, “Kenà heeyan hustu, su is menge pemuhat he ibpemuhat dey te Nengazen he Megbevayè dey, ne utew igkelimezangi te menge Ehiptohanen. Ne emun igkeremerik dan is ibpemuhat dey, ne ebpenulengen key zan te vatu.