Genesis 46:32 - Manobo Western Bukidnon OT

³² Egkeǥiyan ku sikandin te, ‘Is menge maama, ne menge bekidu sikandan te menge uyaǥen, ne mid-uwit dan daan is langun he menge azen dan wey is langun he menge uyaǥen dan.’

Genesis 46:32 교차 참조

Genesis 37:2

Iyan heini guǥud mehitenged te pemilya ni Jacob: Hein 17 is penuiǥen ni Jose, mid-uǥup en sikandin te menge kakey zin te kebantey te menge uyaǥen. Haazà he menge kakey zin, ne menge anak ni Bilha wey ni Zilpa he menge esawa te amey zin. Ebpenudtulen ni Jose ziyà te amey zin mezaat he menge ulaula te menge kakey zin.

Genesis 4:2

Ne mibmeǥingey en maan si Eva ne mid-anak sikandin te maama, ne mid-ngezanan din te Abel. Ne hein midekelà en si Abel, perevantey sikandin te menge kerehidu, ne si Cain, ne mibasuk mulà.

Genesis 45:10

Keǥiyi niw sikandin he egkehimu he ebpekeubpà sikandin diyà te inged he Goshen duma te menge anak din wey menge apù din, menge uyaǥen, wey is langun he menge azen din, para uvey zà sikandin kayi te kedì.

Genesis 46:31

Ne migkaǥi zutun si Jose ziyà te menge suled din wey ziyà te langun he menge sakup te amey zin te, “Edhendiyà a te hadì su kinahanglan he edlelaǥan ku sikandin te, ‘Sikan is menge suled ku wey is langun he menge sakup te amey ku nekeuma zan en dini te kediey he ebpuun te ed-ubpaan dan diyà te Canaan.’

Genesis 46:33

Ne emun ibpeumew kew te hadì ne ed-insaan kew zin ke hengkey is terebahu niw,

Genesis 46:34

kinahanglan he medtavak kew, ke sikiyu te, ‘Sikami is menge suluǥuen nu, menge bekidu key; puun dà te kedekdekelè dey su iyan daan heini ulaula te menge ginikanan dey.’ ” Ne ke si Jose te, “Dutun edtuǥutan kew zin he ed-ubpà diyà te tanà he Goshen, su is menge Ehiptohanen utew zan egkeepesi is minsan hentei he menge bekidu te menge uyaǥen.”

Genesis 47:3

Ne mid-insaan sikandan dutun te hadì te, “Hengkey is terebahu niw?” Ne midtavak sikandan te, “Menge bekidu key te menge uyaǥen, iring te menge ginikanan dey.”

Genesis 9:20

Si Noe sevaha te menge te perevasuk, ne iyan sikandin nehuna he nekepemula te paras.

1 Hadì 9:27

Midsuǥù ni Hiram is menge etew zin he memetau ziyà te zaǥat te ked-etiman te varku duma te menge etew ni Solomon.

Exodus 3:1

Ne sevaha he andew, ebantey si Moises te menge uyaǥen te enuǥang din he si Jetro he memumuhat diyà te Midian. Ne midtundan ni Moises haazà is menge uyaǥen pehendiyà te hunaan te sibsivayan ne nekeuma zan diyà te Horeb, kes buntud te Megbevayà.

Isaias 40:11

Ed-etimanen din is menge etew zin iring te ked-etiman te ebantey te menge kerehidu: Edsepipiyen din is dezeisey pa he menge kerehidu ne meelima sikandin he egiya zuen te menge telenati.

Zacarias 13:5

Egkaǥi en hinuun sikandan te, ‘Kenà a ebpeneuven. Perevasuk a, ne iyan heini terebahu ku puun pa te menguhed e pa.’

1 Samuel 16:11

Mid-insaan ni Samuel si Jesse te, “Iyan dè be sikandan menge anak nu?” Midtavak si Jesse te, “Duen pa, is tinengkezan, piru wazà kayi su ebantey sikandin te kerehidu.” Migkaǥi si Samuel te, “Ipehendini, su kenè tew edhimuwen is kebpemuhat emun kenà ebpekeuma kayi.”

1 Samuel 17:15

si David mulà ed-ulìulì dà diyà te Betlehem puun te kampu ni Saul su ed-atimanen din is menge kerehidu te amey zin.