Genesis 46:17 - Manobo Western Bukidnon OT

¹⁷ Is menge anak he maama ni Asher ne iyan si Imnah, si Ishva, si Ishvi, si Beria, wey is etevey zan he si Sera. Duen menge anak ni Beria he iyan si Heber wey si Malkiel.

Genesis 46:17 교차 참조

Genesis 30:13

Migkaǥi si Lea te, “Utew a nelipey! Ebpekekaǥi is menge zuma ku he vahi he utew ad melipayen.” Umbe migngezanan din haazà is batà ki Asher.

Genesis 35:26

Is menge anak din diyà te ki Zilpa, sikan is suluǥuen ni Lea he vahi, ne iyan si Gad wey si Asher. Iyan heini sikandan langun menge anak ni Jacob he maama he in-anak diyà te inged he Padan Aram.

Genesis 46:18

Menge kevuwazan heini ni Zilpa, is suluǥuen he imbeǥey ni Laban diyà te anak din he si Lea. Ne heini is 16 ne menge kevuwazan ded daan ni Jacob.

Genesis 49:20

“Sikew Asher, egkehimu ka he uuzaran. Ebpekeraǥun ka te menge keenen he para te menge dungganen he menge etew.

1 Cronica 2:2

Dan, Jose, Benjamin, Naftali, Gad, wey Asher.

Deuteronomio 33:24

Mehitenged te tribu ni Asher, migkaǥi si Moises te, “Berakat he tuvazi is tribu ni Asher lavew te langun he tribu te Israel. Berakat he ikelipey sikandan te menge zuma zan he menge Israilihanen wey mehimu he zekelà is lana zan.