Genesis 45:26 - Manobo Western Bukidnon OT

²⁶ Hein nekeuma zan diyà, midtudtulan dan is amey zan te uuyag pa si Jose, ne iyan sikandin ebayàbayà te tivuuk he ǥinhedian te Ehipto. Ne netentanan dutun si Jacob ne wazà mekekaǥi; henduen te kenà dutun ebpeketuu sikandin.

Genesis 45:26 교차 참조

Genesis 37:31

Midhimatey sikandan te kambing ne midlupit dan te lengesa is bisti ni Jose.

Genesis 37:35

Midhendutun te kandin is langun he menge anak din su edlenganen dan, piru wazà maawà is kegkeseeng din. Ke sikandin te, “Beleǥaza ad keniyu! Iyan ibpatey ku is kegkeseeng ku tenged te kebpatedany te anak ku.” Ne midsigudu en sikandin medsineǥew tenged ki Jose.

Genesis 42:29

Ne hein nekeulì dan diyà te amey zan he si Jacob he ziyà te Canaan midtudtulan dan sikandin te langun he neulaula kandan. Ke sikandan te,

Genesis 42:36

Ne migkaǥi si Jacob diyà te kandan te, “Pinaaǥi keniyu egkeewaan a te menge anak ku. Su minatey en si Jose, neewaan a ni Simeon, ne egkuwaan niw pe bes si Benjamin? Utew e en nerasey.”

Genesis 42:38

Piru midtavak si Jacob te, “Kenà egkehimu he ibpezuma ku keniyu si Benjamin. Minatey en is kakey zin ne iyan dà sikandin nesamà is sebsevaha. Kele ke zuen mezaat he egkeulaula kandin diyà te hipenawan, ne siak meǥurang e en, kela ke iyan ibpatey ku is kegkeseeng ku.”

Genesis 44:28

Neewaan a te sevaha, ne migkaǥi ku zutun he siguradu midawi sikandin te kumekaid, ne taman en guntaan wazè ku en maan sikandin maahà.

Genesis 45:25

Ne mid-awè dan diyà te Ehipto ne nekeuma zan diyà te amey zan he si Jacob diyà te Canaan.

Genesis 48:11

Ne migkaǥi si Israel ziyà te ki Jose te, “Kunaan ku zengan ke kenè ku en sikew egkaahà, piru ǥuntaan intuǥut te Megbevayà he kenà iyan ke zà neehè ku, kekenà, elin daan is menge anak nu.”

Job 29:24

Henduen be te kenè dan ebpeketuu emun egemenan ku sikandan; is melipayen he kedezagwey ku ebpekezasig kandan.

Job 9:16

Minsan edhengyuan ku sikandin he ebpeetuvangè key ne ebpezumazuma, ne kenè e zin gihapun ebpemineǥen.

Salmo 105:21

Ne impezumala kandin duen te hadì is turuǥan din wey is langun he menge azen din.

Salmo 126:1

Hein impeuman ipeuswag te Nengazen is Zion, henduen be te teǥeinep dà heini.

Jonas 2:7

Ne hein edserupatey ad, netenuzan ku sikew. Ne zutun mid-ampù a, ne is ampù ku nezineg nu, su nekeuma ziyà te kenikew zutun te segradu he valey nu, ne midtavak nu haazà.