Genesis 44:30 - Manobo Western Bukidnon OT

^30-31 “Ne emun kenà ebpekezuma kenami is hazi zey ke ed-ulì key ziyà te amey zey, ne is amey zey emun kenè din egkaahà is anak din, ebpatey sikandin su iring te untung din heini is anak din. Ne sikami is menge suluǥuen nu, tenged kenami utew en egkeseeng is amey zey he uvanen en ne kenà egkaawà is seeng din taman te kenè pa sikandin ebpatey.

Genesis 44:30 교차 참조

Genesis 44:17

Iyan, midtavak dutun si Jose te, “Kenà egkehimu he pudu kew ed-uripenen ku su kenà haazà metazeng he kukuman. Iyan dà ed-uripenen ku is sevaha he ziyà te kandin maahà kes tasa ku. Is duma keniyu ne egkehimu he ed-ulì kew ziyà te amey niw te wazà samuk.”

Genesis 44:20

Ne midtavak key te duen dey iyan amey he meǥurang en utew wey zuen dey pa hazi he in-anak te meǥurang en utew is amey zey. Iyan dà sikandin nesamà te menge anak te iney zin su minatey en is kakey zin. Ne utew sikandin pinelanggà te amey zey.

Genesis 44:22

Ne migkaǥi key he kenà egkehimu he ed-ewaan din is amey zey su ebpatey is amey zey ke egkeewaan sikandin te hazi zey.

Genesis 44:34

Su kenà a ebpekeulì diyà te amey ku emun kenà ebpekezuma is hazi ku. Kenè ku egkaantus is utew gerabi he kegkeseeng te amey ku.”

2 Samuel 18:33

Migkerker si David. Ne nemenahik diyà te ruǥu zin diyà te divavew te pultahan dutun te inged ne midsineǥew. Dutun te kebpemenahik din, ke sikandin te, “He Absalom, anak ku, iyan e en pezem nepatey he elili kenikew. He Absalom, anak ku!”

1 Samuel 18:1

Nepasad is kebpelelaǥey ni David wey si Saul, ne neked-elukuy si David wey is anak ni Saul he si Jonatan. Utew zin mibmahal si David he iring te keugelingen din.

1 Samuel 25:29

Minsan pa ke zuen edtinguhà te kedhimatey kenikew, ebpengelangan ka te Nengazen he Megbevayè nu iring te etew he edtipig te mahalen he menge azen. Piru is menge kuntada nu ne ibpenlimpawes iring te idlimpawes te etew he vatu.