26 Ne migkaǥi key zutun he kenè key ebpekelikù. Wey key zà ebpekelikù ke egkezuma zey is hazi zey su migkaǥi key he kenà egkehimu he ebpekeetuvang key kenikew emun kenà ebpekezuma is hazi zey.
Egezaman ku sikiyu wey ku metueni ke tutuu ve is migkaǥi niw. Idsesapè ku he mintras uuyag pa is hadì te Ehipto ne kenè kew ebpekaawà kayi emun kenà edhendini is hazi niw.
Ne zutun midsusi te suluǥuen is saku te kada sevaha puun dutun te kakey kandan pehendiyà te kineheziyan, ne ziyè din meturedu is tasa te saku ni Benjamin.
