Genesis 44:15 - Manobo Western Bukidnon OT

¹⁵ Migkeǥiyan ni Jose sikandan te, “Hengkey heini is mid-ulaula niw? Wazè niw ves metueni he metau a he edtagnà?”

Genesis 44:15 교차 참조

Genesis 21:26

Ne migkaǥi si Abimelec te, “Wazè ku metueni ke hentei ki vaal heini. Wazè nu keǥiya kediey ne sikan ku pa mezineg.”

Genesis 3:13

Ne mid-insaan te Nengazen he Megbevayà kes vahi, ke sikandin te, “Hengkey heini is mid-ulaula nu?” Ne midtavak dutun is bahi te, “Mid-ekalan a te uled, umbe migkaan a.”

Genesis 39:8

Ne si Jose, wazè din pemineǥa, kekenà, migkeǥiyan din te, “Sikan is egalen ku, wazà igkesamuk din he minsan hengkey tenged te insarig din kediey is langun he menge azen din.

Genesis 4:10

Ne migkeǥiyan te Megbevayà si Cain te, “Utew mezaat is mid-ulaula nu! Is lengesa te hazi nu ne henduen be te ebpehizuhizu he edsilutan ku is etew he midhimatey kandin.

Genesis 44:16

Ne midtavak si Juda te, “Datù, wazè dey en igkepengetezengan kenikew, ne kenè dey zaan egkekaǥi he wazè dey salà. Iyan is Megbevayà mibpezayag te salè dey. Sikami is langun ne menge uripen key en kenikew wey kes naahaan nu zuen te tasa.”

Exodus 32:1

Ne hein neseǥipà te menge etew he neuǥet en he wazà meketupang si Moises diyà te kandan, ne mid-amur-amur zan diyà te ki Aaron, ke sikandan te, “Kela ke zuen en mezaat he neulaula zuen te etew he si Moises he nengulu kenitew te kegawas diyà te Ehipto; umbe veeli key te ed-ezapen he ebpekepengulu kenami.”