Genesis 43:33 - Manobo Western Bukidnon OT

³³ Impemepinuu is menge suled ni Jose sumalà is idad dan puun duen te kakey kandan pehendiyà te hazi ne tenged dutun mibpetengtengtengè dan su utew zan nengeinuinu.

Genesis 43:33 교차 참조

Genesis 42:7

Ne zutun te naahà sikandan ni Jose, nekilala zin sikandan, piru henduen be te kenè din uvag egkengekilala ne midhenggeran din sikandan ne ke sikandin te, “Hendei kew ebpuun?” Ne midtavak dan te, “Diyè key ebpuun te Canaan, ne midhengkayi key su ebpemasa key te egkeenen.” Ne netenuzan din is menge teǥeinep din mehitenged kandan ne ke sikandin diyà te kandan te, “Teruen kew! Umbe midhendini kew su ed-ahaan niw is kebpekesavuk dey wey niw metueni ke egkezaag key keniyu!”

Genesis 44:12

Ne zutun midsusi te suluǥuen is saku te kada sevaha puun dutun te kakey kandan pehendiyà te kineheziyan, ne ziyè din meturedu is tasa te saku ni Benjamin.

Genesis 48:18

Migkaǥi si Jose te, “Amà, kenà haazà hustu. Su iyan heini kakey; kinahanglan he iyan nu sikandin edempaan te kewanan.”

Exodus 28:10

ne ibpedsusunud pinaaǥi te penuiǥen dan, heenem he ngazan is diyà te kada vatu.