Genesis 43:32 - Manobo Western Bukidnon OT

³² Impedsisivey zan is egkeenan: is egkeenan ni Jose, is egkeenan te menge suled din, wey is egkeenan te menge etew zutun he tig-Ehipto. Su is menge tig-Ehipto kenè dan ebpekidtuǥen te menge Hebriyuhanen su utew haazà supak te menge vetasan dan.

Genesis 43:32 교차 참조

Genesis 31:54

Ne mibpemuhat sikandin dutun te vuvungan ne impekaan din te menge kezuzumahi zin. Ne hein nekekaan dan, dutun dan medhulavung.

Genesis 43:16

Hein naahà sikandan ni Jose he nezuma zan si Benjamin, migkeǥiyan din is suluǥuen din te, “Dumaha nu heini is menge etew ziyà te valey ku. Lapè ka te uyaǥen wey susuba ka, su kayi sikandan ebpeniudtu zuma kedì.”

Genesis 46:34

kinahanglan he medtavak kew, ke sikiyu te, ‘Sikami is menge suluǥuen nu, menge bekidu key; puun dà te kedekdekelè dey su iyan daan heini ulaula te menge ginikanan dey.’ ” Ne ke si Jose te, “Dutun edtuǥutan kew zin he ed-ubpà diyà te tanà he Goshen, su is menge Ehiptohanen utew zan egkeepesi is minsan hentei he menge bekidu te menge uyaǥen.”

Exodus 8:26

Iyan, midtavak si Moises te, “Kenà heeyan hustu, su is menge pemuhat he ibpemuhat dey te Nengazen he Megbevayè dey, ne utew igkelimezangi te menge Ehiptohanen. Ne emun igkeremerik dan is ibpemuhat dey, ne ebpenulengen key zan te vatu.