Genesis 43:29 - Manobo Western Bukidnon OT

²⁹ Hein naahà ni Jose si Benjamin is lumunè din en te ǥetek, ke sikandan te, “Iyan be heini sikan is hazi niw he migkaǥi niw zengan kedì?” Ne migkeǥiyan din si Benjamin te, “Mama, berakat he tuvazi ka te Megbevayà.”

Genesis 43:29 교차 참조

Genesis 35:24

Is menge anak din diyà te ki Raquel, ne iyan si Jose wey si Benjamin.

Genesis 42:11

Su menge anak key pudu te sevaha zà he etew. Kenè key teruen su sikami is menge suluǥuen nu, kenà iyan dey inhendini is kebpeniid!”

Genesis 42:13

Ne midtavak dan te, “Sikami, datù, is menge suluǥuen nu, ne sepulù key wey zezuwa he menge anak te sevaha zà he etew. Diyè pa is amey zey te Canaan. Diyà daan te kandin is hazi zey. Duen pa sevaha he hazi zey he minatey en.”

Genesis 44:21

Ne migkaǥi nu he kinahanglan he edumahan dey sikandin dini wey nu zaan maahà.

Genesis 45:8

Umbe, kenè kew iyan mibpuwit kayi kedì, kekenà, iyan is Megbevayà. Midhimu e zin he peresambag te hadì kayi te Ehipto wey ibpezumala te pemilya zin, wey edumala te tivuuk he ginhedian te Ehipto.

2 Cronica 29:11

Umbe, sikiyu is menge minahal ku, ne kenè kew en mebpesagdan. Iyan kew mibpilì te Nengazen he ibpehitindeg diyà te etuvangan din, te kebpenilbi wey kebpemuhat,” ke si Hezekia.

Salmo 111:4

Ne ibpetentenuzan din kenitew is egkein-inuwan he menge vaal zin. Meupiya sikandin wey hihizuwen;

Salmo 112:4

Minsan merusirem duen gihapun kerayag para te menge etew he hustu is paaǥi zan te kebpengungubpaan, kelelaǥan, hihizuwen, wey metazeng.

Salmo 67:1

He Megbevayà, kehizuwi key wey tuvazi key. Ipeehè nu kenami is keupiya nu,

Isaias 30:19

Sikiyu is menge etew ziyà te Zion he menge meǥinged diyà te Jerusalem, kenè kew en ebpekeuman ebpekesineǥew! Egkehizuwan kew te Nengazen, emun ebpetavang kew kandin. Emun egkezineg din is pengemuyù niw, ne edtevaken kew zin.

Isaias 33:2

Nengazen, kehizuwi key. Midsarig key kenikew. Lig-eni key kada andew, wey libriya key zutun te timpu te kelised.

Malakias 1:9

Migkaǥi si Malakias, “Guntaan, sikiyu is menge memumuhat, hengyua niw is Megbevayà he mehizuwi kiw zin. Piru heeyan he kelasi te menge pemuhat ne ibpemuhat niw kandin, siguradu he kenè kew zin ebpaahaan te keupiya zin. Iyan heini migkaǥi te Nengazen he Mekeǥeǥehem.”

Numero 6:25

Berakat he ipaahà te Nengazen is keupiya zin wey hizu zin keniyu.

Josue 7:19

Ne migkaǥi si Josue ziyà te ki Acan te, “Mama, beǥayi nu te zengeg is Nengazen he Megbevayà te Israel; keǥiya nu is tutuu ziyà te etuvangan din. Keǥiya nu kayi te kediey ke hengkey is mibeelan nu? Kenè nu heini ieles kediey.”