Ne hein mezukilem en midhulavung dan diyà te sevaha he lugar. Ne mibengkasan te sevaha kandan is saku zin su ibpekaan din is asnu zin ne neehè din is selapì he imbayad din.
Ne hein imbusbus dan is taǥù te menge saku zan neehè dan diyà te kada saku is selapì he imbayad te kada sevaha. Ne zutun te kegkaahaa ni Jacob wey is menge anak din te selapì dan ne utew zan migkulbai.
Piru hein nezukileman key ne nekehulavung key ziyà te sevaha he lugar, ne mibengkasan dey is menge saku zey, ne neehè dey zutun te menge saku zey sikan is selapì he impemasa zey te egkekaan. Heini zed, id-ulì dey.
Ne midtavak si Juda te, “Haazà is gubirnedur, mibpeketelteleenan key zin he kenà egkehimu he ebpekeetuvang key ziyà te kandin emun kenè dey egkezuma is hazi zey.
Ne midtavak dan te, “Geina te mibpeniguduwan key zin insai mehitenged te pemilya tew. Ke sikandin te, ‘Uuyag pe be is amey niw? Duen niw pe be hazi?’ Umbe intug-an dey su wazè dey isipa he egkeǥiyen din he kinahanglan he edumahan dey pa is hazi zey ziyà te Ehipto.”
Migkaǥi is sevaha kandan te, “Mahal he Hadì, siak wey heini is bahi he zuma ku telaamur ziyà te sevaha zà he valey. Ne te zutun sikandin te valey mid-anak a.
