Genesis 42:38 - Manobo Western Bukidnon OT

³⁸ Piru midtavak si Jacob te, “Kenà egkehimu he ibpezuma ku keniyu si Benjamin. Minatey en is kakey zin ne iyan dà sikandin nesamà is sebsevaha. Kele ke zuen mezaat he egkeulaula kandin diyà te hipenawan, ne siak meǥurang e en, kela ke iyan ibpatey ku is kegkeseeng ku.”

Genesis 42:38 교차 참조

Genesis 37:33

Nekilala ni Jacob haazà is bisti. Ke sikandin te, “Kumbalà heeyan ni Jose. Midhimetayan sikandin te kumekaid he langgam! Siguradu he mibpurungan sikandin deesi te langgam.”

Genesis 37:34

Ne mibindas ni Jacob is bisti zin ne mibivisti te saku he tuus te kegkeseeng din. Neuǥet is kedlalew zin te anak din.

Genesis 37:35

Midhendutun te kandin is langun he menge anak din su edlenganen dan, piru wazà maawà is kegkeseeng din. Ke sikandin te, “Beleǥaza ad keniyu! Iyan ibpatey ku is kegkeseeng ku tenged te kebpatedany te anak ku.” Ne midsigudu en sikandin medsineǥew tenged ki Jose.

Genesis 42:13

Ne midtavak dan te, “Sikami, datù, is menge suluǥuen nu, ne sepulù key wey zezuwa he menge anak te sevaha zà he etew. Diyè pa is amey zey te Canaan. Diyà daan te kandin is hazi zey. Duen pa sevaha he hazi zey he minatey en.”

Genesis 42:37

Ne migkaǥi si Reuben diyà te amey zin te, “Amà, iyan e en metau ki Benjamin. Himetayi nu is menge anak ku he zezuwa emun kenè ku sikandin egkezuma te ed-ulì dini te kenikew.”

Genesis 42:4

Wazà ni Jacob ibpezuma si Benjamin is hazi ni Jose te menge kakey zin, su egkahandek si Jacob kela ke zuen mezaat he egkeulaula ki Benjamin.

Genesis 43:13

Ne zumaha niw zaan is hazi niw ne ǥaanggaan kew likù dutun te gubirnedur.

Genesis 44:20

Ne midtavak key te duen dey iyan amey he meǥurang en utew wey zuen dey pa hazi he in-anak te meǥurang en utew is amey zey. Iyan dà sikandin nesamà te menge anak te iney zin su minatey en is kakey zin. Ne utew sikandin pinelanggà te amey zey.

Genesis 44:22

Ne migkaǥi key he kenà egkehimu he ed-ewaan din is amey zey su ebpatey is amey zey ke egkeewaan sikandin te hazi zey.

1 Hadì 2:6

Umbe, beeli nu ziyà te kandin is ereg he ebeelan sumalà is egkeisip nu he ereg he ebeelan, piru kenè nu ituǥut he melinawen sikandin he ebpatey tenged te keǥurang din.

Job 41:32

Is wahig he egkeveyaan din eburàburà te meputì, he henduen be te meputì he vulvul is ked-ahaa zuen.

Salmo 71:18

Ne minsan pa te ebmeǥurang e en su ed-uvanen ad, ne kenà a kenikew pesegdana, Megbevayè ku, zutun te kebpenudtula ku te ǥehem nu wey zesen nu ziyà te huziyan he menge lapis te menge kevuwazan.

Salmo 90:10

Is keluǥayad te untung dey ne 70 dà he tuig, etawa 80 he tuig emun melig-en is kedlelawa zey. Piru minsan pa is kineupiyahan he menge tuig te ked-ubpè dey, ne mahabet gihapun he menge keseengan wey menge kelised is egkengeseǥazan dey. Tutuu iyan he meǥaan dà egketapus is untung dey ne egkahanew key en.

Megwewali 1:14

Neehè ku is langun he ebpen-ul-ulahan kayi te kelibutan, ne wazè din menge pulus; iring dà te edal-as a te keramag.

Megwewali 2:26

Megbevayà is ebeǥey te ketau, keuluwanen wey kelipey zutun te menge etew he ebpekepenunuat kandin. Iyan, is menge mekesesalà mibpengelinteuwan din he mebpenigudu sikandan te kedtiǥum te menge azen su is egkengetiǥum dan ne ibeǥey zin diyà te menge etew he nekepenunuat kandin. Is kedhaǥù te menge mekesesalà wazè din pulus; henduen dà te edal-as sikandan te keramag.

Isaias 38:10

Kunaan ku ke ebpatey ad he vetan-en e pa, ne kenà ad egkaawà diyà te lugar te menge minatey.

Isaias 46:4

Minsan ebmeǥurang kew en wey ed-uvanen en, iyan a ed-atur keniyu. Midlimbag ku sikiyu ne ebentayan ku sikiyu. Edtevangan ku sikiyu wey edlibriyen.