Biblia Todo Logo
온라인 성경

- 광고 -




Genesis 42:28 - Manobo Western Bukidnon OT

28 Ne migkeǥiyan din is menge suled din te, “Inlikù is imbayad ku! Su neketaǥù kayi te saku ku.” Ne zutun mibpengguyaan sikandan langun is mibpengulbaan. Mibpein-inseey sikandan te, “Hengkey vuwa heini is mid-ulaula te Megbevayà kenitew?”

장을 참조하십시오 복사




Genesis 42:28
14 교차 참조  

Hein nezineg haazà ni Isaac, migkerker sikandin ne nemensag, “Hentei ves haazà is neketuǥes duen te mid-uwit kayi te kedì he keenen? Beǥu e pa nekepasad he egkaan kayi te kebpekeuma nu. Mibpenubtuvazan ku en sikandin ne kenè ku en egkehimu te edhawì.”


Ne hein nekeulì dan diyà te amey zan he si Jacob he ziyà te Canaan midtudtulan dan sikandin te langun he neulaula kandan. Ke sikandan te,


Ne migkaǥi si Jacob diyà te kandan te, “Pinaaǥi keniyu egkeewaan a te menge anak ku. Su minatey en si Jose, neewaan a ni Simeon, ne egkuwaan niw pe bes si Benjamin? Utew e en nerasey.”


Ne midtavak is suluǥuen te, “Wazà kinahanglan he igkeseeng niw heeyan. Kenè kew mahandek. Is Megbevayè niw he Megbevayà te amey niw, iyan buwa mibeǥey keniyu te selapì diyà te menge saku niw, su nezawat ku man is selapì niw.” Ne mid-uwit din diyà te kandan si Simeon.


henduen be te kenà sikandin ebpeketuu. Iring ded hein neehè din is menge keenen diyà te lemisahan te hadì, is kedumala te menge upisyal zin, is kebpenilbi te menge suluǥuen din he mekempet is menge yunipurmi zan, is menge tigsilbi te vinu zin, wey is menge pemuhat he edtutungen he impemuhat din diyà te valey te Nengazen.


Puun dini te meziyù he lugar ebpengumew a kenikew su neewaan ad te perateng. Uwita a kenikew ziyà te lugar he wazà duen ebpekekaid,


Mibpuwasan ku is minahal ku, piru wazè en sikandin. Egkesuat a he mezineg ku is laǥeng din. Umbe mid-umew ku sikandin, piru wazè en sikandin medtavak. Mibpen-ehè ku sikandin, piru wazè ku meturedu.


Iyan a mibaal te kerayag wey kerusireman. Kediey he ketau is keupiyaanan wey kezeetan. Iyan a Nengazen, iyan a mibaal kayi te langun.


Mibeelan te Nengazen is mibpelenuwan din te ebaal. Midtuman din is nekaǥi zin dengan. Wazà sikandin mehizu is edezaat keniyu. Midlipey zin is menge kuntada niw tenged te kegkezeeti niw, ne intuǥut din he ikepahambug dan is kebpekegaga zan.


Wazà minsan hengkey he egkehitavù he wazà ituǥut te Nengazen.


Sikiyu is egkengesamà te tebek he ed-uwiten te menge kuntada niw ziyà te kandan he menge lugar, edterenteduwen ku, ne minsan daǥing dà te menge zahun he egkeremaǥen ebpemelaǥuy kew en he henduen be te edel-asen te edhimatey keniyu, minsan wazà edal-as keniyu. Ne ebpekedsusukung kew is egkengepiley. Umbe kenè kew ebpekesukul te menge kuntada niw.


Kenè be egkerkeren te kegkahandek is menge etew emun edaǥing is menge vudyung te kebpesayud he zuen menge kuntada he edsurung? Emun egkeumahan te kezeetan is inged kenè be ketau te Nengazen is kebpekeuma zutun?


Wazè niw zutun kelinew wey lugar he egkehimelayan. Edteǥuan kew te Nengazen te handek ne egkaawa is perateng niw, ne layun kew zà egkeseeng.


우리를 팔로우하세요:

광고


광고