Genesis 42:19 - Manobo Western Bukidnon OT

¹⁹ Emun tutuu is migkaǥi niw, kinahanglan he itaǥak niw is sevaha keniyu te teltelesuled kayi ne ulì kew wey niw ikehated is egkeenen diyà te menge pemilya niw he egkengevitil.

Genesis 42:19 교차 참조

Genesis 40:3

Umbe, impepirisu sikandan diyà te valey te kepitan te menge vantey ziyà te pirisuwan he iyan ded sikan is mibpirisuan daan ki Jose.

Genesis 41:56

Ne hein nekeeneb en is bitil ziyà te tivuuk he ǥinhedian, mibpepuwasan ni Jose is menge budiga ne mibelegyà te egkeenen diyà te menge tig-Ehipto su utew en mepait is bitil ziyà te tivuuk he Ehipto.

Genesis 42:11

Su menge anak key pudu te sevaha zà he etew. Kenè key teruen su sikami is menge suluǥuen nu, kenà iyan dey inhendini is kebpeniid!”

Genesis 42:18

Ne zutun te iketelu he andew migkeǥiyan sikandan ni Jose te, “Duen ebpeveelan ku keniyu wey kew melibri su siak, edtahud a te Megbevayà.

Genesis 42:20

Ne zumaha niw zini sikan is hazi niw su wey ku metueni he wazè kew medtarùtarù para kenè ku sikiyu ebpehimetayan.” Ne mibeelan dan haazà.

Genesis 42:26

Ne hein nepasad heini migkergahan dan is menge asnu zan te keuyaǥan, ne migenat dan.

Genesis 42:33

Piru migkeǥiyan key zin te, ‘Egezaman ku sikiyu ke tutuu ve iyan is migkaǥi niw. Kinahanglan he itaǥak niw zini is sevaha keniyu ne ulì kew wey niw ikehated is keuyaǥan diyà te menge pemilya niw he egkengevitil.

Genesis 45:23

Mibpeuwitan din daan is amey zin te 10 he asnu he migkergahan te menge meupiya he menge pruduktu te Ehipto, wey 10 he asnu he menge vehiyan he migkergahan te veǥas te trigu, supas, wey edlutuen te amey zan te kedhipanew.

Isaias 42:22

Piru ǥuntaan is menge etew zin, mibpenekawan, mid-aǥew is menge azen dan, mibpirisu zan diyà te vudsi wey pirisuwan, ne wazà midtavang kandan.

Isaias 42:7

su wey mekaahà is menge lakap ne wey zaan ikepeǥawas is menge vihag, he nengepirisu ziyà te merusirem he pirisuwan.

Jeremias 37:15

Utew nepauk is menge upisyal ki Jeremias. Impevuǥel zan wey mibpirisu zan diyà te valey ni Jonatan he sikritaryu. Su haazà he valey midhimu zan he pirisuwan.