Genesis 41:41 - Manobo Western Bukidnon OT

⁴¹ Ne mid-uman megkaǥi is hadì diyà te ki Jose te, “Idsarig ku en kenikew ǥuntaan is kebayàbayà te tivuuk he ǥinhedian ku he Ehipto.”

Genesis 41:41 교차 참조

Genesis 39:22

Ne tenged dutun, insarig duen te ebantey te pinirisu ki Jose is kebayàbayà te langun he menge pirisu ziyà te pirisuwan ne iyan impezumala sikandin te langun he menge vaal zutun.

Genesis 39:5

Ne puun dutun te kedseriǥi ki Jose, midtuvazan te Nengazen is pemilya ni Potifar he Ehiptohanen wey is langun he menge azen din diyà te baley zin wey ziyà te vevesukè din. Midhimu heini te Nengazen tenged ki Jose.

Genesis 41:44

Ne migkeǥiyan te hadì si Jose te, “Minsan pa te iyan a sikan is hadì, wazà minsan hentei he menge sakup ku kayi te tivuuk he ǥinhedian ku he Ehipto he ebpekeulaula te minsan hengkey emun kenè nu idtuǥut.”

Genesis 42:6

Ne iyan si Jose gubirnedur te tivuuk he ǥinhedian te Ehipto, iyan sikandin ebelegyà te egkeenen diyà te tivuuk he menge meǥinged dutun. Ne zutun te kebpekeuma te menge kakey zin, midluhud dan diyà te etuvangan ni Jose he iyan kedtahud dan.

Genesis 45:8

Umbe, kenè kew iyan mibpuwit kayi kedì, kekenà, iyan is Megbevayà. Midhimu e zin he peresambag te hadì kayi te Ehipto wey ibpezumala te pemilya zin, wey edumala te tivuuk he ginhedian te Ehipto.

Ester 10:3

Ne si Mordecai, ebpeketinundug is kandin he kegkelavew te utew kegkelavew ni Hadì Ahasuerus. Si Mordecai edlingahaan wey edtehuzen te zuma zin he menge Judio, ne edtehuzen dan sikandin su nekeveǥey te keupiyaanan te menge emurè din te inged, wey te zuma zin he menge Judio, wey nekidlalag sikandin te hadì para kandan.

Salmo 105:21

Ne impezumala kandin duen te hadì is turuǥan din wey is langun he menge azen din.

Erubasa 17:2

Is uluwanen he suluǥuen, ne ebpekemandù te taleng he anak te egalen din, ne ebeǥayan sikandin te egkepengevilin duma te zuma pa he menge anak te egalen din.

Erubasa 22:29

Is etew he metau he ebaal te edterebehuwen din ebpekepenilbi te hadì ne kenè diyà te menge etew zà duen.

Megwewali 4:14

Ne haazà is betan-en egkehimu he egkahadì sikandin minsan nepirisu sikandin, ne haazà is hadì egkehimu he egkepubri sikandin minsan pa te neetew sikandin he ebpuun diyà te lavew he pemilya.

Daniel 2:48

Ne zutun mibeǥayan duen te hadì si Daniel te mahabet wey mekempet he menge gasa. Wey mibeǥayan din daan sikandin te metikang he ketengdanan su iyan din impezumala te tivuuk he prubinsya te Babilonia wey impepenguluwan kandin is langun he uluwanen he etew zutun.

Daniel 6:3

Ne si Daniel, iyan edhuna kandan te langun su geina te nekeviza is kandin he ebilidad, umbe mibpelanu sikan is hadì he ibpezumala zin si Daniel te tivuuk he ginhedian din.