Genesis 41:37 - Manobo Western Bukidnon OT

³⁷ Ne haazà is hadì wey is menge upisyal zin, ingkesuat dan utew heini is sambag ni Jose.

Genesis 41:37 교차 참조

Genesis 41:36

Ne haazà is iderengdeng, ne egkehimu he iyan egkeenen te menge meǥinged dini te Ehipto emun ed-aǥi en is pitu he tuig he vitil, su wey kenà sikandan mengevitil.”

Genesis 41:38

Ne migkaǥi haazà is hadì diyà te menge upisyal zin te, “Wazè en duma pa he egkeehè tew he iring ki Jose su mid-ulinan iyan sikandin te Megbevayà.”

Genesis 45:16

Ne hein netudtul haazà diyà te turuǥan te hadì te Ehipto he nemekeuma is menge suled ni Jose, utew nesuat kes hadì ne nesuat daan is menge upisyal zin.

2 Samuel 3:36

Utew nengelipey is menge etew zutun te migkaǥi ni David, wey kenà iyan dà ingkelipey zan haazà, kekenà, elin daan is langun he mibeelan ni David.

1 Hadì 21:2

Duen timpu he migkaǥi si Ahab diyà te ki Nabot te, “Tenged te uvey ziyà te turuǥan ku is pemuleey nu te paras, iveǥey nu en lang kedì su edhimuwen ku he pemuleey te menge edlumbayen. Ne edliwaan ku te edhuna he meupiya he pemuleey te paras, wey emun egkesuat ka ne ebeyazan ku te ereg he vali zin.”

Salmo 105:19

taman te netuman is midtagnè din. Is netuman he lalag te Nengazen diyà te kandin kemetuuzan he metazeng sikandin.

Erubasa 10:20

Is menge lalag te metazeng he etew mahal iring te pelata, piru is isip te lalung he etew wazè din pulus.

Erubasa 25:11

Is lalag nu he edsungkad te hustu he timpu, iring heini te mensanas he vulawan he idsavuk diyà te selevukà he pelata.

Josue 22:30

Nelipey si Finehas he memumuhat, wey sikan is menge pengulu te menge pemilya te keet-etawan te Israel hein nezineg dan haazà is migkaǥi te menge tribu ni Reuben, ni Gad, wey te ketengà he tribu ni Manase.