Genesis 4:22 - Manobo Western Bukidnon OT

²² Si Zila mid-anak daan te maama ne iyan ngazan din si Tubal Cain he iyan dengan utew metau he pandey te ǥalang wey putew. Ne is etevey ni Tubal Cain ne iyan si Naama.

Genesis 4:22 교차 참조

Genesis 4:21

Duen hazi ni Jabal he maama ne iyan ngazan din si Jubal, he nehuna te langun he metau he ebpen alpa wey ebpemulalà.

Genesis 4:23

Ne zutun he andew migkaǥi si Lamec diyà te menge esawa zin te, “He Ada wey Zila, pemineg kew te egkeǥiyen ku. Midhimetayan ku is kengkenakan he midrasey wey mibpalì kedì.

2 Cronica 2:7

Umbe ǥuntaan, suǥua nu zini is etew he metau he edterebahu te vulawan, pelata, brunsi, putew wey metau he ebpenhavel te manggad, he merudtem, kanggan, wey meitem is kaavuavu zin, wey metau he ed-ukir. Edterebahu sikandin duma te menge metau he ibpemeterebahu ku he tig-Juda wey tig-Jerusalem, he mibpilì te amey ku he si David.

Exodus 25:3

Iyan heini menge halad he egkuwaan nu ziyà te kandan: vulawan, pelata, brunsi,

Numero 31:22

Is minsan hengkey he azen he kenà egketutung iring te vulawan, pelata, brunsi, putew, wey timeǥà, kinahanglan he idsavuk niw ziyà te hapuy su wey mehimu he lumpiyu. Ne kegkepasad dutun, ne lùlui niw zuen te wahig he egemiten he para te kebpenlumpiyu. Is menge azen he egketutung edlùluan dà mulà duen te wahig.

Deuteronomio 33:25

Berakat he is menge pultahan te menge inged dan ne putew wey brunsi is biǥer zan, wey verakat he kenà maawà is kegkemekeǥeǥehem dan mintras uuyag dan pa.

Deuteronomio 8:9

Kenè kew egkeewaan te keenen kayi he tanà ne kenè kew egkekurangan te minsan hengkey. Kayi he tanà ebpekekuwa kew te menge putew he henduen dà te ebpengamì kew zà te vatu, ne dekelà daan is brunsi ziyà te menge vuntud.