Genesis 4:10 - Manobo Western Bukidnon OT

¹⁰ Ne migkeǥiyan te Megbevayà si Cain te, “Utew mezaat is mid-ulaula nu! Is lengesa te hazi nu ne henduen be te ebpehizuhizu he edsilutan ku is etew he midhimatey kandin.

Genesis 4:10 교차 참조

Genesis 18:20

Ne migkaǥi zutun is Nengazen diyà te ki Abraham te, “Utew kun mezaat is menge ulaula te menge tig-Sodom wey menge tig-Gomora wey utew kun meveǥat is menge salè dan.

Genesis 3:13

Ne mid-insaan te Nengazen he Megbevayà kes vahi, ke sikandin te, “Hengkey heini is mid-ulaula nu?” Ne midtavak dutun is bahi te, “Mid-ekalan a te uled, umbe migkaan a.”

Genesis 9:5

Ke zuen etew wey minsan langgam he ibpetiǥis din is lengesa niw te menusiyà wey kew mebpatey, ebelesan ku. Ebelesan ku is minsan hentei he ebunù te zuma zin he etew.

2 Hadì 9:26

‘Neehè ku gevii is kedhimetayi nu ki Nabot wey te menge anak din. Ne ebpenangdù a he ebelesan ku sikew kayi mismu te pemuleey ni Nabot. Iyan a, is Nengazen, is migkaǥi kayi.’ Umbe kuwaa nu sikandin ne itimbag nu ziyà te vevesukà ni Nabot sumalà te nekaǥi te Nengazen.”

2 Cronica 28:9

Piru hein ebpelingguma is menge sundaru ziyà te Samaria, ne midsinuǥung sikandan ni Oded he ebpeneuven te Nengazen, ne migkeǥiyan din te, “Imbeǥey keniyu te Nengazen he Megbevayè niw is menge tig-Juda tenged te nepeukan din sikandan. Piru kenè en ereg is mibeelan niw: mibpenhimetayan niw sikandan te wazà kegkehizu, netuenan heini te Nengazen he ziyà te langit.

Job 16:18

“Iring a te etew he midhimetayan he edhangyù diyà te tanà he kenà bumbuni is lengesa zin su wey pinaaǥi zutun ikeveǥey kandin is kukuman he kenà sikandin egkevintahaan.

Job 24:12

Egkezineg diyà te inged is dag-es te menge edserupatey wey is kebuyù te tavang te negerebiyan te palì, piru wazà belesi te Megbevayà is mibaal te mezaat diyà te kandan.

Salmo 50:21

Ne hein mibeelan niw heini is langun, wazè ku sikiyu dewaya; umbe kunaan niw ke iring a keniyu. Piru guntaan, edewayen ku sikiyu ne ibpeehè ku keniyu he utew kew lalung.

Salmo 72:14

Edlibriyen din sikandan te kedèdaaǥa wey kebpesipelahi kandan, su utew mevali sikandan diyà te kandin.

Salmo 9:12

Ebelesan din is ebpemendaagdaag, su edseǥipaan din is kebpekitavang te menge dinaagdaag.

Salmo 9:13

Nengazen, dekelà is ked-antus ku tenged te kedèdaaǥa kedì te menge kuntada ku. Ikehizu a kenikew ne libriya a te kemetayen,

Exodus 3:7

Migkaǥi is Nengazen te, “Neehè ku is kemereǥenan te menge etew ku ziyà te Ehipto. Nezineg ku is kebuyù dan te tavang tenged te kebpesipelahi kandan te menge edumala kandan te edterebahu, ne edtevangan ku su egkehizuwan ku sikandan.

Isaias 5:7

Is pemuleey te Nengazen he Mekeǥeǥehem he mid-elimahan din wey igkelipey zin, iyan is menge etew ziyà te Israel wey Juda. Edtaǥad sikandin he tumana zan is hustu he kukuman, piru nasì dan mebpenhimatey. Edtaǥad sikandin he veeli zan is metazeng, piru nasì dan mebpendaagdaag.

Numero 35:33

Ne pinaaǥi kayi kenè niw egkeremerikan is tanà he ed-ubpaan niw, su is kedhimatey ebpekeremerik te tanà. Ne iyan dà ebpekelumpiyu kayi is kemetayen gihapun.

Deuteronomio 21:1

“Penenglitan duen egkaahà he nepatey he etew ziyà te tanà he ibeǥey keniyu te Nengazen he Megbevayè niw su wey niw maangken, ne wazà metueni ke hentei is nekepatey kayi.

Josue 7:19

Ne migkaǥi si Josue ziyà te ki Acan te, “Mama, beǥayi nu te zengeg is Nengazen he Megbevayà te Israel; keǥiya nu is tutuu ziyà te etuvangan din. Keǥiya nu kayi te kediey ke hengkey is mibeelan nu? Kenè nu heini ieles kediey.”

1 Samuel 13:11

piru mid-insà si Samuel te, “Hengkey is mibeelan nu?” Midtavak si Saul te, “Neehè ku he egkenaney en egketerini is kahabet te menge etew su ebpemelaǥuy, wey wazè ka mekeuma zuen te midtendek nu he uras, ne is menge Filistihanen he nekaandam dan en te kebpekidtebek diyà te Micmash su midtiǥum dan en.