Genesis 39:21 - Manobo Western Bukidnon OT

²¹ midumahan ded si Jose te Nengazen. Tenged te tuvad te Nengazen, nehizuwan duen te ebantey zuen te pirisuwan si Jose.

Genesis 39:21 교차 참조

Genesis 21:22

Ne zutun he timpu, midhendiyà si Abimelec te ki Abraham wey is pengulu te menge sundaru zin he si Ficol. Migkeǥiyan ni Abimelec si Abraham te, “Netuenan dey iyan he edtevangan ka te Megbevayà te langun he ed-ul-ulahan nu.

Genesis 39:2

Midumahan te Nengazen si Jose umbe mid-iseg mebmeupiya is kebpekesavuk din. Diyà sikandin med-ubpà te valey te egalen din he tig-Ehipto he si Potifar.

Genesis 39:3

Naahà te egalen din he midumahan si Jose te Nengazen wey midtuvazan is langun he menge vaal zin,

Genesis 39:4

umbe utew zin ingkeǥaǥew si Jose. Midhimu zin si Jose he sineriǥan din te kedumalaha te langun he menge suluǥuen din diyà te valey zin wey is kebayàbayà te langun he menge azen din.

Genesis 40:3

Umbe, impepirisu sikandan diyà te valey te kepitan te menge vantey ziyà te pirisuwan he iyan ded sikan is mibpirisuan daan ki Jose.

Salmo 105:19

taman te netuman is midtagnè din. Is netuman he lalag te Nengazen diyà te kandin kemetuuzan he metazeng sikandin.

Salmo 105:22

Ne ǥeine te iyan sikandin edumalà, ne zuen din keǥehem te kedawey te menge upisyal te hadì wey te kebpenurù te menge sumesambag te hadì.

Salmo 106:46

Ne mibpengelinteuwan din he mehizuwi sikandan te menge mibihag kandan.

Exodus 11:3

(Su midhimu te Nengazen is menge Ehiptohanen he mebmahagkap is gehinawa zan diyà te menge Israilihanen, ne si Moises daan, dekelà is kedtehuza kandin te menge upisyal te hadì te Ehipto wey te zuma he menge Ehiptohanen.)

Exodus 12:36

Midhimu te Nengazen he mebmeupiya is gehinawa te menge Ehiptohanen diyà te menge Israilihanen umbe imbeǥey zan is mibuyù te menge Israilihanen; pinaaǥi zutun nepenevanan dan is menge Ehiptohanen.

Exodus 3:21

Ne ebpengelinteuwan ku he megkelelaǥan is menge Ehiptohanen diyà te keniyu su para zuen niw egkeuwit dutun te kegenat niw.

Erubasa 16:7

Emun igkesuat te Nengazen is menge ulaula ta, edhimuwen din he meemiǥu ta is menge kuntada ta.

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Isaias 43:2

Emun ebayè ka ziyà te wahig, ne eduma a kenikew. Emun edlayun ka ziyà te zezekelà he menge wahig he edtudà ne kenè ka egkelened. Emun ebayè ka ziyà te hapuy, ne kenè ka egketutung; is regreg kayi ne kenà ebpekemenu kenikew.

Daniel 1:9

Ketau te Megbevayà he meupiya is isip ni Ashpenaz ki Daniel su para medtuǥut sikandin te hangyù din.

Daniel 6:22

Wazà a menuwa te menge erimaung su midsuǥù te Megbevayè ku is menge velinsuǥuen din, ne midsabpeng dan is bèbà te menge erimaung. Mibeelan heini te Megbevayà su netuenan din he lumpiyu a wey wazà mezaat he neveelan ku ziyà te kenikew.”