Genesis 38:20 - Manobo Western Bukidnon OT

²⁰ Wazè en meuǥet ne impahated en ni Juda zuen te emiǥu zin he si Hira he tig-Adulam sikan is kambing he idlekat duen te menge azen he insandè din diyà te vahi, piru wazè din meturedu haazà is bahi.

Genesis 38:20 교차 참조

Genesis 20:9

Ne zutun mid-umew ni Abimelec si Abraham ne mid-insaan din te, “Hengkey ves heini is mid-ulaula nu kenami? Hengkey is salè ku kenikew he iyan inhimuwa nu he mekesalà a wey is tivuuk he ginhedian ku? Kenà hustu heini is mid-ulaula nu.”

Genesis 38:1

Dutun he timpu, midsuwey si Juda te menge suled din ne ziyà sikandin med-ubpà te ed-ubpaan ni Hira he tig-Adulam.

Genesis 38:21

Nenginginsà si Hira te menge tig-Enaim ke hendei en sikan is bahi he ebelegyà te zengeg din, he ebpimpinuu ziyà te kilid te zalan. Piru midtavak is menge etew te, “Wazè man bahi kayi he ebelegyà te zengeg din.”

2 Samuel 13:3

Duen elukuy ni Amnon he metau he edseligkep he iyan is id-aǥew zin he si Jonadab. Anak sikandin te suled ni David he si Simea.

Leviticus 19:17

Kenè niw dumuti is duma niw he etew. Dewaya niw sikandin emun nekesalà sikandin su para wazè niw televaken.

Zatù 14:20

Ne sikan is esawa ni Samson impeesawa te maama he avey ni Samson hein nengesawa sikandin.