Genesis 37:34 - Manobo Western Bukidnon OT

³⁴ Ne mibindas ni Jacob is bisti zin ne mibivisti te saku he tuus te kegkeseeng din. Neuǥet is kedlalew zin te anak din.

Genesis 37:34 교차 참조

Genesis 37:29

Ne hein midlikuan ni Reuben haazà is budsi ne wazè en dutun si Jose, ne mibindas din is bisti zin su utew neseeng.

Genesis 42:38

Piru midtavak si Jacob te, “Kenà egkehimu he ibpezuma ku keniyu si Benjamin. Minatey en is kakey zin ne iyan dà sikandin nesamà is sebsevaha. Kele ke zuen mezaat he egkeulaula kandin diyà te hipenawan, ne siak meǥurang e en, kela ke iyan ibpatey ku is kegkeseeng ku.”

Genesis 44:13

Ne hein naahà heini zutun te teltelesuled, mibindas dan is menge ugelingen dan tuus te utew zan kegkeseeng. Migkergahan dan en maan is menge asnu zan ne midlikù dan diyà te inged.

2 Samuel 1:11

Dutun mibindas ni David wey te langun he menge sakup din is menge kumbalè dan su ibpeehè dan is kedlalew zan.

2 Samuel 3:31

Dutun migkeǥiyan ni David si Joab wey kes langun he menge zuma zin te, “Bindasa niw is menge kumbalè niw, wey iyan niw ikukumbalà is saku. Ne ilalew niw si Abner zutun te edhipanew kew ziyà te egkehunaan te minatey he lawa ni Abner zutun te kedlevenga kandin.” Miduma si Hadì David te kedleveng.

1 Hadì 20:31

Migkeǥiyan sikandin te menge upisyal zin te, “Nezineg dey he hihizuwen kun is menge hadì te Israel. Umbe edhendiyè key te hadì te Israel ne ebpekevavè key pinaaǥi te kebivisti te saku wey kebagkes te pisì diyà te menge ulu zey. Ne kela ke kenè ke zin ded himetayi.”

1 Hadì 21:27

Kegkezineǥa ni Ahab dutun te migkaǥi ni Elias, mibindas din is bisti zin ne mibivisti te saku, ne mibpuasa. Midlipezeng sikandin he bivisti te saku wey midhiphipanew is neseeng.

2 Hadì 19:1

Ne hein nezineg ni Hadì Hezekia is tudtul zan diyà te kandin, mibindas din is bisti zin ne midseluub sikandin te saku su ibpetuusan din is kedlalew zin, ne midhendiyà sikandin te valey te Nengazen.

2 Hadì 2:12

Ne naahà heini ni Elisha ne nekevensag sikandin te, “Amey ku! Amey ku! Is menge kerwahi wey is ebpen-untud te menge kerwahi te Israel!” Ne hein wazè din en maahà si Elias, midliwazè din bindasa is kumbalè din su ibpeehè din he neseeng sikandin.

2 Hadì 22:11

Ne hein nezineg dutun te hadì is ingkesurat duen te Libru te Kesuǥuan, mibindas din is bisti zin tenged te kegkeseeng din.

1 Cronica 21:16

Midlingahà si David ne neehè din is belinsuǥuen te Nengazen he midhitendeg diyà te hewhewanan, he teliwazà te langit wey tanà he egawed te lembitan he ebpeketezù diyà te Jerusalem. Ne midluhud si David wey haazà is menge ebpemendumala te Israel, he mibpengukumbalà te saku he tuus te kedlalew zan.

1 Cronica 7:22

Neuǥet is kedlalew ni Efraim te kemetayen dan, ne midhendiyà is menge kezuzumahi zin su edlenganen dan sikandin.

Nehemias 9:1

Hein ike-24 he andew zutun he vulan, midtiǥum is menge Israilihanen su ebpuasa zan. Migkukumbalà sikandan te saku wey mibpen-evuwan dan is ulu zan su ibpeehè dan is kedlalew zan.

Job 1:20

Ne hein nezineg haazà ni Job, midhitindeg sikandin ne mibindas din is bisti zin tenged te kegkeseeng din. Ne impekiskisan din is ulu zin ne midlangkeb sikandin diyà te tanà te ked-azap te Nengazen.

Job 16:15

Mibivisti a te saku wey mibpinuu a ziyà te tanà is egkeseeng.

Job 2:12

Ne hein nepantew zan sikandin ne hapit dan kenà egkekilala. Midlelendag sikandan wey mibpemindas dan is bisti zan ne mibukbukan dan te eliyavuk is ulu zan su ibpeehè dan is kegkeseeng dan.

Salmo 69:11

Emun ebivisti a te saku su wey maahà he egkeseeng a, ne edsudien e zan.

Isaias 32:11

Kinahanglan he utew kew mahandek, is menge vahi he ebpeeyehey zà wey wazà igkeipeng. Luwasa niw is menge visti niw ne tetapis kew te saku.

Isaias 36:22

Ne zutun mibindas ni Eliakim, ni Shebna, wey ni Joa is bisti zan tenged te kegkeseeng dan, ne midhendiyè dan te ki Hezekia ne midtudtul zan is menge lalag duen te peremandar te menge sundaru.

Jeremias 36:24

Ne wazà mahandek haazà is hadì wey is langun he menge upisyal zin he nekezineg te menge lalag dutun te velesahan. Wazè dan ganì bindasa is kumbalè dan te kepaahà te kegkeseeng dan.

Jeremias 48:37

Is kada sevaha kandan mibpaahà te kegkeseeng din pinaaǥi te kebpevangul, kegkiskis te sumpà, kebpemelìi te velad, wey kebivisti te saku.

Joel 2:13

Iniyuǥi niw is kelelalung te ked-iniyug he ebpuun diyà te gehinawa niw, ne kenà bà dà ibpaahà pinaaǥi te kebindasa niw te visti niw. Likù kew ziyà te Nengazen he Megbevayè niw, su hihizuwen sikandin wey iipengen. Mepinelenggaan sikandin wey kenà pepeuken. Andam sikandin he edhalin te isip din, ne kenè din en edleusen is kebpaaǥi zin te kezeetan.

Josue 7:6

Ne tenged te kegkeseeng, si Josue wey is ebpemendumala te Israel, mibindas dan is menge visti zan ne mibukbukan dan te eliyavuk is menge ulu zan, ne taman te mezukilem, midlangkeb dan diyà te etuvangan duen te Kavan te Kebpekid-uyun te Nengazen.

Zatù 11:35

Ne hein naahà sikandin ni Jefta, mibindas din is bisti zin tenged te kegkeseeng din, ne ke sikandin te, “Anak ku, midhimu nu he utew a meseeng! Su nekepenangdù a ziyà te Nengazen he ibpemuhat ku ziyà te kandin is egkehuna he edsinuǥung kedì, ne kenè ku en heini egkevelvelewanan!”