Kuwa kew en su edhimetayan tew sikandin, ne id-ulug tew sikandin kayi te vudsi he punduwà te wahig. Egkeǥiyen tew zà he midhimetayan sikandin te dumezaas he langgam. Ed-ahaan te kun be ke metuman is menge teǥeinep din.”
Ne si Jacob, edhuna is kebmahala zin ki Jose kenà haazà is duma he menge anak din, su ǥeina te meǥurang en sikandin te kegkeetew ni Jose. Umbe mibpetehìan din si Jose te meupiya he visti wey melayat.
Nekilala ni Jacob haazà is bisti. Ke sikandin te, “Kumbalà heeyan ni Jose. Midhimetayan sikandin te kumekaid he langgam! Siguradu he mibpurungan sikandin deesi te langgam.”
Piru hein ed-uwiten dan en si Tamar, duen impekaǥi zin diyà te ki Juda he ziyà te kandin is penmarka wey is hiket kayi, ragkes en is tuked. Ne is teǥiǥaked dutun iyan nekeǥingey kandin. Ne kinahanglan he egkilelaan ke hentei is teǥiǥaked dutun.
