Genesis 37:31 - Manobo Western Bukidnon OT

³¹ Midhimatey sikandan te kambing ne midlupit dan te lengesa is bisti ni Jose.

Genesis 37:31 교차 참조

Genesis 37:23

Ne hein nekeuma si Jose ziyà te kandan, migewezan dan ne midluwas dan sikan is bisti ni Jose he nepurung mezeyzeyani

Genesis 37:3

Ne si Jacob, edhuna is kebmahala zin ki Jose kenà haazà is duma he menge anak din, su ǥeina te meǥurang en sikandin te kegkeetew ni Jose. Umbe mibpetehìan din si Jose te meupiya he visti wey melayat.

Genesis 37:32

Ne mid-uwit dan is bisti ni Jose ziyà te amey zan, migkaǥi sikandan te, “Neehè dey heini. Ahaa kun heini, ki Jose ve heini etawa kenà.”

Genesis 44:28

Neewaan a te sevaha, ne migkaǥi ku zutun he siguradu midawi sikandin te kumekaid, ne taman en guntaan wazè ku en maan sikandin maahà.

Genesis 45:26

Hein nekeuma zan diyà, midtudtulan dan is amey zan te uuyag pa si Jose, ne iyan sikandin ebayàbayà te tivuuk he ǥinhedian te Ehipto. Ne netentanan dutun si Jacob ne wazà mekekaǥi; henduen te kenà dutun ebpeketuu sikandin.

Erubasa 28:13

Is etew he id-eles din is menge salè din ne kenà ed-uswag, iyan, is etew he idtug-an din wey ed-engkezan din te ed-ulaula is menge salè din, igkehizu sikandin te Megbevayà.