Genesis 37:27 - Manobo Western Bukidnon OT

²⁷ Deyzey pa vuwa ke ibelegyè tew sikandin keniyan te menge Ismailihanen. Kenè tew edhimetayan su hazi tew man sikandin.” Ne mid-uyunan haazà te menge suled din.

Genesis 37:27 교차 참조

Genesis 29:14

Ne migkeǥiyan sikandin ni Laban te, “Tutuu iyan he mesipeg ku sikew.”

Genesis 37:22

Iulug niw zà sikandin te vudsi kayi te sibsivayan, kenè niw sikandin himetayi.” Umbe migkaǥi heini ni Reuben su wey zin melibri si Jose wey zin ikeulì diyà te amey zan.

Genesis 42:21

Ne pesikaǥi zan dutun te, “Umbe egkeulaula en heini kenitew su silut tenged te mid-ulaula tew ziyà te hazi tew he si Jose. Su minsan pa te utew sikandin nerasey wey midhengyuan kiw zin, midtengtengan tew zà ne wazè kiw mebpehangyù. Umbe edlised kiw en guntaan.”

Genesis 50:20

Su minsan pa te mezaat is tuyù niw kediey, mibpengelinteuwan te Megbevayà he meupiya is pangkus din. Su impelavew e zin su wey kiw is mezakel melibri ne kenà meumes.

2 Samuel 12:9

Ne maan is wazè nu tumana is menge lalag ku ne iyan nu maan heini mibeelan is kenè ku igkesuat? Mibpehimetayan nu si Uria he Hitihanen diyà te tebek; mibpehimetayan nu sikandin te menge Amunihanen, ne mid-aǥew nu pa is esawa zin.

Nehemias 5:5

Ne Judio key man daan iring kandan, wey Judio zaan is menge anak dey, piru sikami mulà kinahanglan he ibpeuripen dey kandan is menge anak dey su wey key mekeselapì. Iyan tutuu is, nengeuripen en is duma he menge anak dey he vahi su ingkevelegyè dey en. Piru wazà duma he egkehimu zey su is menge vevesukè dey wey menge pemuleey zey te paras ne egkaangken en te zuma.”

Nehemias 5:8

Ke siak te, “Edhimuwen tew is taman te egkehimu tew para melekat tew is duma tew he menge Judio he imbelegyè dan is keugelingen dan pinaaǥi te kebpeuripen diyà te menge meǥinged diyà te zuma he lugar. Piru ǥuntaan tenged kayi te vaal niw, nepeǥes en maan sikandan he ebelegyà te keugelingen dan diyà te keniyu mismu. Layun tew ves sikandan edlekata?” Ne zutun mibpereremek dà sikandan su wazè dan egkekaǥi.

Exodus 21:16

“Is minsan hentei keniyu he egebpà te sengeeetew su ibelegyè din, ne minsan wazè din pa haazà ikevelegyà dutun te kegkezekepi kandin, kinahanglan he edhimetayen sikandin.

Exodus 21:21

Iyan, emun kenà ibpatey zutun te uripen haazà is kebpukpuka kandin ne ebpekeenew heini, kenà edsilutan haazà is egalen su ǥaked din man haazà is uripen.

1 Samuel 18:17

Ne zutun migkeǥiyan ni Saul si David te, “Andam ad he ibpeesawa ku kenikew is kinekekayan he anak ku he si Merab asal ibpeehè nu kedì is kevurut nu te kebpekidtebek para te Nengazen.” Diyà te isip ni Saul he te heini he paaǥi ne kenè en iyan sikandin ebpekepatey ki David ke kenà menge Filistihanen is ebpekepatey kandin.