Genesis 37:26 - Manobo Western Bukidnon OT

²⁶ Migkeǥiyan ni Juda haazà is menge suled din te, “Hengkey is egkepupulus tew ke edhimetayan tew is hazi tew he id-eles tew is kedhimetayi tew kandin?

Genesis 37:26 교차 참조

Genesis 25:32

Ne midtavak si Esau te, “Uya, su hengkey is pulus te ketenged ku emun ebpatey a te kegkeumes.”

Genesis 37:20

Kuwa kew en su edhimetayan tew sikandin, ne id-ulug tew sikandin kayi te vudsi he punduwà te wahig. Egkeǥiyen tew zà he midhimetayan sikandin te dumezaas he langgam. Ed-ahaan te kun be ke metuman is menge teǥeinep din.”

Genesis 4:10

Ne migkeǥiyan te Megbevayà si Cain te, “Utew mezaat is mid-ulaula nu! Is lengesa te hazi nu ne henduen be te ebpehizuhizu he edsilutan ku is etew he midhimatey kandin.

Genesis 4:9

Ne mid-insaan te Nengazen si Cain te, “Hendei is hazi nu he si Abel?” Ne midtavak si Cain te, “Hanew ta. Bantey e ve te hazi ku?”

Genesis 40:15

Migebpaan a puun te inged dey te menge Hebriyuhanen, ne wazà salè ku he zait he igkepirisuwa kedì.”

Genesis 42:21

Ne pesikaǥi zan dutun te, “Umbe egkeulaula en heini kenitew su silut tenged te mid-ulaula tew ziyà te hazi tew he si Jose. Su minsan pa te utew sikandin nerasey wey midhengyuan kiw zin, midtengtengan tew zà ne wazè kiw mebpehangyù. Umbe edlised kiw en guntaan.”

Genesis 50:20

Su minsan pa te mezaat is tuyù niw kediey, mibpengelinteuwan te Megbevayà he meupiya is pangkus din. Su impelavew e zin su wey kiw is mezakel melibri ne kenà meumes.

Job 16:18

“Iring a te etew he midhimetayan he edhangyù diyà te tanà he kenà bumbuni is lengesa zin su wey pinaaǥi zutun ikeveǥey kandin is kukuman he kenà sikandin egkevintahaan.

Salmo 30:9

“Hengkey is egkekuwa nu emun ebpatey a? Su kenè en man ebpekezalig kenikew is minatey en. Ne kenè din en daan igkeseysey is kebmetinumanen nu.

Jeremias 36:25

Minsan midhangyù si Elnatan, si Delaya, wey si Gemaria zutun te hadì he kenè din tutunga sikan is belesahan, ne wazà mebpemineg haazà is hadì.

Jeremias 41:8

Is sepulù kandan wazà mulà penhimetayi su migkeǥiyan dan si Ishmael te, “Kenè key himetayi! Ibeǥey zey kenikew is menge trigu zey, barli, lana, wey teneb he nekeeles diyà te vevesukà.”

Ezekiel 24:7

Su is kebpenhimatey zin nekeleduwan te langun. Is lengesa te mibpenhimetayan din mibey-anan din dà diyà te menge vatu he egkaahà te langun. Wazè din ganì heini vunbuni te tanà.

Deuteronomio 17:8

“Penenglitan duen kasu ziyà te kurti niw he mehitenged te kedhimatey, kedtebek etawa kebpememuǥel he utew mereǥen he edisisyunan. Ne iyan beeli niw is, uwita niw heeyan he kasu ziyà te lugar he ebpilien te Nengazen he Megbevayè niw